وعليكم السلام ورحمة الله وبركاته

زين ما فيه احد ينسى او تنمسح المواقف من ذهنه تماما ، لكن .. يقدر يتعامل معاها بشكل مختلف اذا تغيرت الصورة الذهنيه عنده ..
بالنسبة لزوجك اعتقد انه مثالي شويتين زيادة عن اللزوم ، لكنه بدأ يتعامل بمرونه لما تغيرتي انتِ ..
والمواقف السابقة ارتبطت عنده ارتباط شرطي سئ ، يمكن تشوفينها مواقف عادية جدا بين الزوجين ،لكن عصبيته وحدة انفعاله تخلي ردة فعله قوية شوية..ولما تغيرت افعالك في هذي المواقف تغير هو .. والدليل انك حسيتيه تنرفز بس ما عصب وانفعل مثل قبل .. وهذا مؤشر جيد انك تقدرين تأثرين عليه بالإيحاءات الايجابية بأفعالك وبتشوفين انه يتغير ويتفاعل معاك للافضل ان شاء الله..

بالنسبة انه يقولك احيانا تنتكسين ,, بصراحة ما اشوفه نقد سلبي وسيئ ابدا
هي رسالة منه .. انا مبسوط وفرحان فيك بالتغير الجميل ، بس فيه أشياء ما تسوى تخرب هذا الجمال ..لكن خلينا نقول خانه التعبير .. لا تدققيين كثير على كلامه واستمتعي بالمدح الايجابي وركزي عليه..
ولا تنسين لفتره مو بسيطة كان يركز على السلبيات ويضخمها ومو شايف الا هي
انتِ الآن خلي رصيدك يمتلئ بالتصرفات الايجابية بدون ما تلفتينه او تذكرينه بها خليه هو يلاحظ من نفسه ومع الوقت ما راح يتذكر الانتكاسة ابدا..

اما بخصوص ام عياله تجااااااااااهلي يا زين
واقطعي اي تواصل معاها لا تردين عليها ولا تشوفين رسايلها احذفي رقمها وارتاحي
وسكتي اي احد يوصَل لك كلامها .. اذا تسمعين صوتها في البيت طنشي وسدي آذانك بقطن ،أو حطي سماعات الجوال وشغلي اي شي عالي

ولوحصلت منها تجاوزات كبيرة ما ينسكت عنها كلمي زوجك بهدوء ولطف بدون عصبية
يحط حد ..عشان ما يضطرك لتصرف غصباً عنك ،يزعله وما يعجبه ويلومك عليه..

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]