بسم الله الرحمن الرحيم
في عدة أمور انا حابة أوضحها ..

١- انا لما شتمته ( ما تلفظت عليه ب ألفاظ نابية قذرة ) و إنما وصفته فقط مثل ( عديم الرجوله ، عديم مروءة .. الخ ) لأن مستوى خوفي من الله يمنعني من ذلك
صح اني غلطت ب تواصلي معاه و قصرت في حق من حقوق الله عز و جل لكن في أمور كثيره اخرى
كنت اراعي الله فيها ..

٢- انهيت العلاقة تماما
لأني رجعت سألته يا تكلم الوالد يا كل واحد ب طريقه
قال لي بكلمه بس مو الحين
قلت : متى
قال مدري متى انا عندي ظروف خاصة مقدر اصرح لك فيها و مدري متى تنتهي

حسيت خلاص انتهيييييييييييييييت هنا ..

انهيت انا العلاقة و ما انتظرت رده
من كلامي اللي كتبته له :
ـ ما في انسانه عاقله بتكمل معاك بعد اللي قلته
ـ انت كل شي فيك يقول انك بايعني الا لسانك
ـ انت اللي علمتني ان الحب شي و الزواج شي و انا لازم اطبق معك اللي تعلمته
ـ انا عطيتك امتيازات ( مثل صوتي و تواصلي معاك ) لأنك انت اقنعتني ان اللي بيننا راح يكون بالنهاية زواج
و والله لو كان عندي ذرة شك ماكان عطيتك هالإمتيازات
ـ انا ماراح اكون الا للإنسان اللي يتشرف اكون زوجة له امام الناس مو بالخفاء سواء انت او غيرك
ـ الزمن ينسي و الله كريم و انا واثقة ان الله راح يعوضني لأني ما طلبت منك ولا تمنيت الا اتصال للخطبة
ـ اذا مرت الايام و سمعت بخبر زواجي اتمنى حتى انت تغير رقمك
عشان الشيطان ما يضعفنا و نرجع نتواصل
ـ ماعاد بطلبك تكلم والدي لأني اساسا ماعاد بكون موجودة بحياتك بعد كذا
ـ الناس تصبر و تتصبر على فتافيت على الأقل و انا حتى الفتافيت ما عطيتني اياها
لا تقدير ولا اهتمام و لا عواطف ،، و كنت صابره و ساكته

٣- انا الحين ما احس بأي مشاعر تجاهه سواء حقد او كره
لأني مؤمنة اني ماراح اتعافى من هالموضوع الا لما أحرر مشاعري من التفكير فيه
سواء ب حب او كره
و الحمدلله مشاعري تحررت
لكن مشاعري الحين كلها الم و قهر و زعل من نفسي على اللي صار لي

مدري احس فبالي كلام كثير ملخبط
ما اعرف ايش اكتب / ما راح اخلص

بس عموما الطريقة الكتابية هذي تريحني جدا
و انا كتبت الموضوع بعد استخارة الله عز و جل
و ارتحت كثير من ردك آخي حسن السجايا و قرأته كثير كثير كثير
كل شوي افتحه
ساعدني بعد الله اشوف الأمور بطريقة متوازنة

الشي الأخير ..
ترا كل كلمة كتبتها / كنت اقصدها بحذافيرها
ماكنت اتكلم عن احباط او انهيار عاطفي و مو حاسة بنفسي

هو فعلا شوهني ..