حبيبتي اذا كان ناوي جد يطلق اذا تنازلتي عن ولدك ترى الولد من حقك أنت إلى أن يكمل 7 وبعدها يخير.
غير كذا ريحي بالك واحذفي الواتس اب عشان ماترسلين له كل شوي واذا هو مهتم ويبيك بيخاف ويسأل ويرجعك.
5 شهور كثيره مره واكيد فيها ضرر عليك ومو من حقه يتركك هالمره معلقه ومن حقك تطالبين بالمحكمه بأنه يايررجعك أو يطلقك بناء على رغبته ولا تخلينها رغبتك عشان ماترجعين له المهر وتصير خلع مو طلاق لأنه من طرفك انت وانتي تبينه وهو معلقك.
حالياً المحاكم تنظر بهالقضايا بسرعه مو زي اول بيروقراطيه وسنين إلى أن ينظر فيها.
كلمي ابوك وابوه وخل يحاولون الإصلاح وذكريهم انك غلطتي وهو بعد غلط وضربك واذا مايبي الإصلاح أبد استخيري واستخيري واستخيري وارضي بالمكتوب لأن كل أمر الله خير واكرر اذا كنتي متضرره من حقك تطالبين بالمحكمه بس اذا تقدرين تصبرين اكيد الصبر ازين الله يكتب لك الخير حبيبتي ويفرج همك ولا تنسين تستانسين وتعيشين حياتك وتسعدين نفسك واللي كاتبه ربي بيصير.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".