السلام عليكم
اتمنى تكونوا بخير يارب
ودي تساعدوني ياجماعه تعبت والله كل ماحاولت اعيش حياة طبيعيه القى عقبات ..
هذي المرة ظهرت لي ام زوجه طليقي وزوجة طليقي مدري ايش تبغى فيه سوت لها حساب ف الانستقرام وضافت قريباتي وتهكر الحساب انا حاسه ان قريباتي هكروه لانها قهرتهم طبعا هذا كله انا مدري عنه لاني ماعندي انستقرام الشهر الماضي كنا ف جمعه عائليه سمعتهم بالالغاز يتكلموا انه فيه وحدة قاهرتهم وتهايط وتسوي انها سعيده ف حياتها قلت لهم والله بسوي حساب بتفرج ضحكوا وسكتوا و سويت حساب باسمي وضفت قريباتي واخواني و زميلاتي فجاة اشوف وحدة ضايفه زميلاتي ولايكات وهم مايعرفوها اطالع ف الاسم الا هو اسم زوجة طليقي للعلم هي ماتقربلي ولا تعرفني ولا اعرفها ولا هي من عمري اكبر مني بسنين كثيره ماادري ايش ودها تسوي
بصراحه انهرت لما شفت الصور منزلة كلام حب وكلام انها سعيده ف حياتها وكاتبه ان زوجها ماقد حب احد ف حياته وانها اول حب ومصورته ومصورة بنتها اللي انصدمت لما شفتها حسيت اني مطلقة ومتاخرة دراسيا والعرسان مايجوني ف المقابل هو عايش حياته ومستقر وعنده اسرة واطفال وانا بالنسبة له كنت حقل تجارب كم شهر ورماني بدون سبب يذكر وبعد ماتعلم من اغلاطه راح تزوج بدون مايغلط هذي المرة
من امس وانا ابكي تعبت والله تعبت
اهانني وظلمني كثير هو واهله وكانوا يحطوا حالات واتس اب عشان يهينوني وحتى يوم ملكته وهو مايعرف العروس ولا حتى شافها نظره راح حط حاله انها حبيبته طول العمر واول حب بيجي ف بالكم اني اراقبه لاوالله بس اقاربنا كلهم تناقلوا الكلام وهو مستخدم اقاربي وسيله
انا فعلا ماني لاقيه سبب لا لطلاقه ولا حتى لحركاته معايه والان صارت الحركات تجي عن طريق زوجته ومتقصده تفرجني
انا مابمدح نفسي اجمل منها ومحتشمه واخلاق اكثر منها بشهادة الجميع حتى امها يوم من الايام شافتني وخطبتني لولدها قبل زواجي
بينما هي حتى صور رجلها بالبنطلون ويدها تنزلها
وانا لما كنت متزوجته كان اذا شاف عيوني بالنقاب
*يقعد ف مشاكل معايه ل3 او 4 ايام لازم اغطي عيني ب4 طبقات فوق النقاب
وهي مبسطه ف حسابها تنزل اجزاء جسمها ورجال كلهم اللي عندها وعاادي عنده ..وانا يسوي معايه مشاكل اذا حملتي سمي بامي وقلت ابشر وهي كسرت كلامه وسمت بالاسم اللي تبغاه وعادي والكل يستعيذ من قوة مرته وانا الضعيفه اللي كنت بيده وبيد اهله عذبني
وف النهايه يسوي فيه كذا امام الناس وهي يرفعها ويستتها ف حياتها
اللي قاهرني انه كان يحاول يرجعني وانا ياغافل لكم الله مدري انه معاه بنت ويحاول يوصلي انه بيتزوج ع مرته عشان يوصلني الكلام وهو كذاب
اخرتها عشان يبين لي انه لسا متعلق راح احتفل بتاريخ زواجنا وحط عبارات قدام اقاربي عشان يوصلني
انا بفهم بس هو مختل نفسيا ولا ايش
طاوع امه فيني وعشان مشاكل بين امي وامه طلقني بدون سبب وخطب صاحباتي ويوم ردوه تزوج وحدة وصار يستخدم اسلوب عشان يقهرني ورجع الان يحنني عليه ومرته ورايه تستخدم اسلوبه الاول تقهرني
انا خلاص ماابغاه ولا ابغى سيرته ف حياتي ابغى اعيش زي الناس ليش ورايه امرضوني والله العظيم
تعبوني نقلت من مدينتي عشان ابعد قطعت علاقتي مع قريباتي عشان مااسمع اخباره ولا اخبار مرته والان صارت تلاحقني حتى ف انستقرام ؟* وامها تلاحقني بتويتر ولا فوقها اخذت رقم امي وكل يومين وهي داقه وامي تصرفها
طيب اذا يحبها ليش تبغى توصلي انا ماني زوجته ولا بيني وبينه الا ورقه طلاق* ؟؟*
اعطوني حل انا صرت عازله نفسي وعايشة ف مرض عشان ماتوصلني اخبارهم حتى انستقرام حذفته وتويتر لان امها تتابعني وقطعت قريباتي وحتى المناسبات وكل شي ياناس امرضوني
قلت يمكن اذا تزوجت بنسى ولكن للاسف دمرني طليقي ودمر نصيبي ويتكلم عند الناس عني يومين يعيب فيه ويموين يبين لهم انه يحبني
وكل مااجي اطلع عيوبه وعيوب اهله وسبب المشكله اللي ادت للطلاق واني مالي يد امي تخاصمني تقول اسكتي وصار الكلام كله فيه
تعبت احس مستحيل اصير زوجه او ام او اكون حياه ثانيه ناجحه احس الماضي قدامي وحولي

تم تعديل العنوان ليتناسب مع المضمون

__________________
ربي أسألك تعلقاً بگ وحدكـ
ودنيا خالصةً لوجهگ
استغفر الله الذي لا إله الا هو عليه توكلت وهو رب العرش العظيم)

الله يفرج همك ويرزقك الزوج الصالح

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

تنزيلها لصور اجزاء من جسدها مو معناه انه يدري عنها و مخليها ع راحتها

بالعكس اللي اشوفه انه كان مهتم لك عشان كذا يدقق و هي ما يدري عنها اصلا و يظهر لك انه مخليها ع راحتها
و الدليل انها محتره و مستمره تلاحقك و امها بعد


هي مثلك ضحية لهالزوج

..
استمري في ابتعادك عنهم و اي شخص يجيب لك خبر عنهم صدي عنه
و لا تشغلين بالك بهم

المشكله اني حتى وانا صادة القى امها تحاول تتواصل مع امي واذا طنشتها دقت ع خالتي
وجابت حسابي ف تويتر وصارت الام بكبرها تتابعني
والبنت ف الانستقرام الا والا توصلي ولقريباتي
محترة مني ليش ابي افهم ؟مااظنها ضحيه اظن انا كنت الضحيه وحقل التجارب ومع ذلك مدري ليش ورايه

انا صفحة من حياة طليقي وانطوت هم ايش يبغوا فيه
والله مرضوني نفسيا صرت معتزلة الناس وماابغى احقق لهم هدفهم واعتزل الناس عشانهم والله حتى وجهي صار شاحب ووزني ينزل نزول فضيع ونفسي منسدة عن كل شي حسبي الله ونعم الوكيل كرهوني الحياه والمجتمع

__________________
ربي أسألك تعلقاً بگ وحدكـ
ودنيا خالصةً لوجهگ
استغفر الله الذي لا إله الا هو عليه توكلت وهو رب العرش العظيم)

اميييين يارب

__________________
ربي أسألك تعلقاً بگ وحدكـ
ودنيا خالصةً لوجهگ
استغفر الله الذي لا إله الا هو عليه توكلت وهو رب العرش العظيم)

الي اشوفه .. انها مقهورة و غيرانة منك

الله يرزقك بالزوج الصالح يارب

عزيزتي طنشي طنشي إلى مالا نهايه
ليش تمرضين نفسك بنفسك خليهم يراقبون خليهم يسألون خليهم يحفرون
ارمي ورا ظهرك وعيشي حياتك
خايفين منك يحسونك مسببه لهم إرهاب وانتي لسا ماتزوجتي!!!

استانسي ياعمري واضحكي ولايهمونك

واحمدي ربك انك ماجبتي منه عيال

👍🏼فعلا
ليش تحاول تغيضك وليه تبغى تقهرك هل حست أنه زوجها يبغى يرجعك وقلبه متعلق فيك وليه أمه تلاحقك خايفين انه يحاول فيك يرجعك والا ايش؟؟
على العموم طنشيهم ولاتنقهري علشانهم هم المقهورين انت ريحي بالك ورزقك بجي لين عندك الحمدلله الرزق بيد الرزاق ربي يفرج همك لاتعطيهم اكبر من حجمهم

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

مشكورات اخت روح الطير وبنلتقي

اختي ندى
ماحست انه بيرجعني ولا شي والناس عارفين اني مارضيت ارجعله قبل لايتزوج فكيف الان وعنده زوجة واسرة ؟
انا عايفته وعايفه اللي مثله زواجي منه اقل من شهر و3 شهور ف مشاكل الى ان انتهينا بالطلاق وعيشني ف عذاب هو واهله 4 سنين وذي ال5 مابالك لو طولت معه ايش بيسوي لي
نفسي اعرف اللي تاخذ مطلق ليش تجري ورى طليقته ليش تبغى تقهرها
خلاص كفايه احنا كنا حقل التجارب وهي استفادت ايش عادها تبغى مني انا مو ضرتها عشان تسوي فيه كذا كفايه وجع طلاقي والدمار اللي دمرني اياه زوجها عاد هي تبغى تزيدني؟ شكل نهايتي موته بقهر

__________________
ربي أسألك تعلقاً بگ وحدكـ
ودنيا خالصةً لوجهگ
استغفر الله الذي لا إله الا هو عليه توكلت وهو رب العرش العظيم)

انتي تفكرين فيهم لاتعطينهم اكبر من حجمهم ناس حقيره ومقهوره منك اشغلي نفسك بدراسه او وظيفه لايهمونك بشى اهتمي بصحتك اهم شى العافيه والعقل واهم خليهم اخر اهتماماتك واذا كان سعيد او تعيس اويحبك او يكرهك فالنهايه انتهت علاقتكم والله سبحانه. بيرزقك افضل منه