مو بس القبائل.. البيئة والعادات الاجتماعية وحتى مستوى التدين

عزيزتي الاهل لهم دور كبيير..

تخيلي طلعوا بالنسبة لك مجتمع منفتح جدا؟ او منغلق جدا؟

عيالك بكرا بيشيلون اسمهم.. لو عندهم عادات مو كويسة عيالك ممكن يتربون عليها حتى لو ماكانت برضاك..

كبنت خليجية وهذا الواقع المر انتي بتتزوجينه "مع" اهله..

في حالات كثيرة ومتفرقة واسباب بالهبل العالم تتنصل من خطبة بعض العوائل.. تكون امهم مجننة زوجات عيالها

او مثلا يكونون عائلة عندهم ثقافة متربين عليها مايحترمون المراة..

الخ الخ الخ

الله يكتب لك اللي فيه الخير 💜

__________________

اختلافي عنك لا يعني اختلافي معك

إجمالاً لي تحفظ على مبادرة البنت .. ولكن أعجبني هذا التفاهم بينكِ وبين أخيكِ.

الله يديم عليكم النعمة ويكتب لج الخير عزيزتي.

__________________


اللهم طِيبَ الأثر .. وحُسْنَ الرحيل.

مرحبا مهرة،
كيف عندك تحفظ؟
ممكن توضحين اكثر؟
وهل تأيدين ان اخوي يفاتحه بالموضوع؟ آو نسكت؟
رايك مهم بالنسبة لي

أتصور الغالبية فاهمين قصدج حبيبتي .. وفاهمين إن نص كلامج ما ينوخذ حرفياً. .. هذي روحج الحلوة الهزلية اللي حبيناها فيج من البداية.


لي تحفظ لأني ما أحب المبادرة تكون من البنت ولا من حد من طرفها .. لأن الوضع سيان في الحقيقة .. والعواقب السلبية المحتملة ربما لا تختلف سواءً كانت المبادرة من البنت أو من أحد أهلها.

وإن كان ولابد من المبادرة فليكن هذا بإعلام الشاب بوجودكِ من حيث المبدأ .. بمعنى أن تصل إليه معلومة أن صديقه فلان لديه أخت .. ثم يُترك له الأمر بعد ذلك ليمخمخ ويقرر اتخاذ الخطوة التالية.

في مجتمعي مثل هذا الأمر سهل .. ولكن بصراحة لا أدري كيف يمكن أن يحدث هذا عندكم يا مبتعثة ما دام أخوج ممكن يرجّعج السعودية مثل ما تقول فرح تايه.


الله يرزقج بأحسن من نيتج يا بنية.

__________________


اللهم طِيبَ الأثر .. وحُسْنَ الرحيل.

مرحبا مهرة،
قرأت كلامك مرتين
كلامك خلاني اتراجع 70٪
هو فعلا عرف من فترة بسيطة ان اخوي عنده اخت
تتوقعين هنا اوقف خلاص؟ خصوصا ان قدامي فقط 4 شهور بعدها سنفترق هو بيرجع السعودية

معلومة:
اخوي يعرف صديقة هذا من شهرين تقريبا...

من سوالفه مع اخوي حسيت اهله طيبين وبحالهم
مادري اذا منغلقين او منفتحين
والله مادري اذا امه او اهله طيبين او لا.... لكن انا بتزوجه هو وطالما هو كويس اكيد العيشه معاه بتكون كويسة ...

والله كلامك لخبطني، احس اهله مالي علاقة فيهم، لكن مادري بدعي ربي واشوف

شكرا على الرد