بعد ماطلقت زوجتي ظلت في فترة العدة متمسكة برأيها وبطلباتها وكلها تتمحور حول وظيفتها

كل تقصير بالبيت وكل شروطها من توفير سكن بمنطقة معينه كلها تتمحور حول وظيفتها

بعد انتهاء العدة التزموا الصمت هي واهلها

قبل البدأ بالبحث عن النصيب الجديد قلت ابلغهم اذا لهم خاطر نتفاهم على الوضع فهي ام اولادي واولى بالرجوع والمهر من غيرها واعرف مشاكلها وعيوبها وهي تعرفني

اول شي قالوا خلاص راضيه البنت بالسكن في المكان اللي تريده سواء قريب من عملها او لا

ثاني شي قالوا السائق هي بتتكفل براتبه والخادمه هي بتتكفل براتبها وانت بس اعطيها مصروف

ثالث شي وظيفتها امان لها ولازم توافق انها تستمر على وظيفتها

جاوبتهم :

سواق وخدامه علي مصروف لها ان شاء الله عين فراش وعين لحاف

اما وظيفة تستمر فيها انسوا الموضوع كل المشاكل بسبب وظيفتها طموح ايش اللي نتكلم عنه وظيفة حكومية وزيادات بالراتب ثابته وترقية من المرتبه السادسة للسابعه للثامنه الى مدري كم وتخيس بالعاشرة الموضوع ماله علاقة بالطموح الموضوع له علاقة بالفلوس وبس

شرطي تترك وظيفتها لأني سأبحث عن امرأه تكون ربة منزل وتحط طموحها وابداعاتها في بيتها واطفالها

اجمل طموح انك تستثمر هالطموح في عيالك وهذا اللي انا اسويه الان عيالي هم طموحي
حتى اني متردد بالزواج لأجلهم

لو انتي موظفة وهو عرف ان فيه تقصير ممكن يكون معاه حق

انا جربت طليقتي وكرهتني بالمراه العاملة تماما حتى ترسخ بذهني فكرة لايوجد امرأه تعمل الا وتكون مقصرة بحق بيتها ادري هالكلام مو صحيح بس من القرون اللي طلعت براسي منها

عموماً هذي مجرد شروط وانتي لك الحق بطرح شروطك والوصول الى حل يرضي جميع الاطراف

ان اعجبك الوضع بالتوفيق ان لم يعجبك فالله يعوضك باللي افضل منه