قبل ما تتعلقين فيه

كم عمره ، تأكدي هل هو خاطب وألا متزوج وألا مطلق ، هل هو متحرر أم محافظ
والأهم يصلي ويخاف الله


أخوك من شهرين متعرف عليه وهي مده قليله

ريف لحظة
ماتعلقت فيه نهائيا... نفسي تشوفون الموضوع من الزاوية اللي انا اشوفها
الموضوع مو حب وهيام واحلام وردية
فقط اعجبت باخلاقه وبفعل السبب .. حدث شيء كان بها ماحصل شيء أكيد انه خير للكل
ترى حتى لو بلغ أخوي انه رافض عادي عندي جدا ماشوف فيها شيء من حق كل طرف يختار الشريك اللي يحلم فيه


بالنسبة للآسئلة
ثلاثيني
لم يسبق له الزواج
مو خاطب ولا شيء
الصراحة مافهمت ايش يعني متحرر؟ قصدتك متفتح ؟ ايه احسه
عاد باقي الاشياء مادري، محافظ على الصلاة او لا، يخاف الله او لا، مادري وش عرفني بس اتوقع هذي الاشياء ماحد يقدر يعرفها عن الشخص
صدق ريف والله احس جاني صداع
مالي خلق التفاصيل تربكني اكثر وتخليني اكره الزواج كله!
احب اناظر الموضوع بشكل عام ... خلاص دينه وخلقه حلو يكفي... ليش البربسة! (ماقصدك والله ريف) بس ليش كذا رد يدققون على كل شيء.. اللي تقول امه واهله.. واللي تقول عمره واللي تقول متفتح ومادري ايش...
يعني بتفهموني المتزوجات ماخذين صحابه مثلا؟ مافيه انسان كامل وعارفه انه مو كامل بس كمواصفات عامة اشوفه شخص مناسب و شخصياتنا متقاربة