لا مايختفي ...
بالعكس طول العشره يزيد المحبه بين الزوجين ويقوي الرابطه بينهم
المشاكل تأثيرها يكون بحزة الغضب بس
وبس يرجع الواحد لنفسه ويهدا يروح اثرها
الله سبحانه وتعالى جعل للإنسان القدره على تخطي أكبر المشكلات والمصاعب
وماكلفه فوق طاقته
والواجب على الزوجين إنهم يكونون عون لبعضهم
تعدي له ويعدي لها
ومهم هنا نذكر اهمية الإستعاذه بالله من كيد الشيطان
اللي هو راس بلا كل مشكله بين الأزواج

وراح أذكر لكم قصه حصلت على واحد نعرفه
وكيف ان الإستعاذه بالله أنقذته من موقف بالنسبه له كان من اصعب مامر عليه
القصه باذكرها بس لبيان أثر الإستعاذه وفضلها عند وقع المشكله

هذا واحد له صديق له غنم حاطها بشبك في منطقه بريه بعيده نوعا ما عن المدينه
وهو طالع من عند صديقه وبنص الطريق تقاطع مع سياره بنفس المكان
وحصل بينه وبين صاحب السياره معانده
يقول نزلت له وعلى بالي انه واحد
الا هم ثلاثه اشخاص بذيك الاجسام القويه وانا واحد
حاولوا يستفزوني بكلمه اثنين وانا خلاص قلت بانشب فيهم (لانه عصبي مره )
وياقاتل يامقتول ووالله لو قتلوني ودفنوني بذيك المنطقه محد درى عني
يقول وخلاص كنت بادخل معهم وهم مستعدين وجاهزين وقاعدين يحارشوني
الا واتذكر الإستعاذه
وارفع بها صوتي : أعوذ بالله من الشيطان الرجيم
ويوسوس لي الشيطان دافع عن نفسك وارجع استعيذ مره ثانيه أعوذ بالله من الشيطان الرجيم
واقولها الثالثه ولا أشوفهم الا وهم بكل هدوء طلعوا سيارتهم ومشوا وتركوني
((( كفاه الله )))
إستعاذ بالله فأعاذه منهم
نعوذ بالله من الشيطان الرجيم.