الله المستعان ..

مثل ايش يسرقون !

انتبهي .. ممكن زوجك داري عن مووضوع الاعراض المأخوذه

معليش ماسارت هادي قلة حيا وعيب مرررررة دي الحركات
ماشالله عليكي ربنا منزل عليكي برود الله المستعان بس

حاولي تكلميهم انتي ولاتستحي ولا شي
قولي لهم انا مابغا احد يدخل بيتي وانا موجودة

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

اذا انفعلتي راح يركبونك الغلط

افضل حل تجيبين ادراج ب اقفالها و اذا بتغيبين عن البيت تدخلين كل شيء فيها و تقفلينه
و مع الوقت راح يملون و لا يفكرون يعبثون باغراضك لانهم متأكدين انها مقفلة


لكن انتبهي من تكبير الموضوع و التدخلات الخارجية لأن مهما كان شيء يمس سمعتهم و سمعة زوجك

غرفة النوم يكون لها قفل واول ماتطلعين تقفلينها هذا الحل الوحيد وممكن تحطي مثلا غيار لزوجك في غرفة الكوي علشان مايحتاج للغرفة ..
اي شيء خاص خليه في غرفة النوم .. مثلا ملابس للكوي الخ باختصار اي شيء ماتبغينهم يشوفوه ..

وقبل ماتطلعين نظفي كل شيء وحطي ببالك انو ممكن يدخلون ..

وحتى بوجودهم قفلي غرفة النوم لاتستحين ولاشيء الغرفة خاصة ومايصلح أحد يدخلها ..

وزوجك مارح يفهم جملة خصوصية ومدري ايش لأنه باختصار يشوفهم اهله ويحق لهم ! فأنت خلك صريحة قولي اغراضي جالسة تختفي ! وأنا اخاف اكرههم ولا ودي بهالشيء فالحل معليش قبل طلعتي بقفل الغرفة وباقي البيت الله يحييهم اذا بيجون البيت بيتهم بس غرفة النوم لا .

ولوكان مافيه قفل ع الغرفة خليه يجيب عامل بأسرع وقت وقولي باختصار عشان السرقة

معاك حق، مع إحترامي لهم ( قلة ذوق )..
البيت له حرمة وخصوصية حتى لو كانت زوجة ولدهم..

حاولي تحلي المشكلة مع زوجك، بدون ما يتدخل أحد..
ممكن زوجك مضايقة هذا الشي بس مستحي يقول لهم..

إذا تكلم زوجك راح تنحل المشكلة..
إذا مافي فايدة ( تقفلي غرفة النوم قبل ذهابك )

أعانك الله

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

وش اللي يدخلون غرفة نومك وياخذون اغراضك بس ويسرقون انتبهي على مجوهراتك لا تجين ومعاد تلقينها معليش قلة ذوق بيت ولدهم ماقلنا شيء بس غرفة النوم لاااااء فيها خصوصيات ملابس داخليه امور نسائيه معليش لهنا وبس
وليش بسم الله عليهم كل يوم ناطين عندك مافي بيت يضفهم ؟؟؟ اخبر الولد ومرته هم اللي يزورون الاهل مو الحموله اللي تطب لقافه صراحه وحركات ناس جاهله ماعندهم شغله ولا مشغله الا بيت ولدهم واللي فيه !!! حمدلله علاقتي رائعه مع حمولتي ولا اتذكر غي ست سنوات انهم جوني الا مرتين ومن رغبة والدته تقول بزران خواتك يحوسون البيت تعالونا انتو وفعلا صرت انا اللي اروح لهم وحتى اكرمهم بدارهم مره نعشيهم والقهوه اجيب معاها حلى كل مرا بس بيتي مافي شغاله وماتحمل احد كل شوي ناط على وعافسه ......
صراحه لازم تناقشي زوجك بحزم ولو مرره عند قولي اجل غرفة النوم من ابسط حقوقي واشتري قفللللل ووقفليها وحطي له فوطته وتغييراته واغراضه الشخصيه بغرفة الملابس قد المده اللي بتغيبيها عن البيت لا انا معك كلش ولا احد يدخل غرفتي ويحوس اغراضي وبيتي لي انا ولو رحتي لوحده من خواته وعملتي زي مايعملو ماراح ترضى كل النلس تؤمن بالخصوصيه !!
بس نصيحتي لا تدخلين احد خليها من راسك لراسه افضل

البيت له خصوصيه
وغرفة النوم بالذات
ومو حلو احد يدخلها
حتي لو كان اهل الزوج

بس هم ممكن عاداتهم كذا عادي عندهم
فالحل انك تتفاهمي مع زوجك ولازم يفهم انه مايسير كذا .. حاولي مره مرتين لعل وعسي انه يفهم

قفلي باب غرفة النوم
وريحي راسك
وخلي بس نسخة وحدة للمفتاح معاك
وخليهم يشبعون فالبيت يدخلون ويطلعون

__________________

رَّبِّ اغْفِرْ لِي خَطِيئَتِي يَوْمَ الدِّينِ

قرأت ردودكم كلكم
والحمدلله الاغلبيه اجمع اني مو ادور مشاكل وانهم غلطانين
اللي يسأل اش يسرقو كل شي
والله اول ايام زواجي الذاكره حقت صوري يوم الدواج وبطايق شحن كانت بشنطتي وجيت عندهم وخليت الشنطه بالغرفه بعدين تذكرت لانه معرووف عن امه وواحده من اخواته السرقه الله يشفيهم
ورحت لها بس فات الاوان اختفت البطايق والذاكره وبعده بدقيقه جات امه تشحنها قدامي
انا ما انتبهت انه حتى الذاكره الا بالبيت وبكيت ورحت لهم اتشحدهم يجيبونها يحلفون ما اخذوهااا
وانا متاكده لان شفت البطايق امه تشحن بهم
زوجي يدري بس اهله مبتلى فيهم
وانا ابتليت معااه
احيان انقهر عليه ومابقهره
لان الناس كلهم نبذوهم بسبب امه
وامه مو من نفس جنسيتنا وجات هنا من ثلاثين سنه والوحده والبعد عن اهلها ممكن هو خلاها بهالاخلاق غير ان زوجها اكبر منها بستين سنه
المهم انه اليوم جاتني هجووم عشان اخر مره ماخليتها تاخذ شي قلت لا ابغى ذي الحاجه لاتاخذينها
والله. اليوم شالت وشالت ومشت على طول ماجلست وهي واقفه
وكان واضح انه بعدي بس عني
انا تعبت والله تعبت
حتى بنتي عمرها سسنه ونصف
مره شالت كيس فيه حلاوه بعزومه
قام صاحت واحده وتقول شالته فلانه نادتها باسم جدتها وتضحححك يعني من دحين ماخذينها بذنب جدتها ويعايرونها
كيف حتقدر تعيش بينهم دون لايحطمونها
ومن جهه تعبت اقفل لانه لو شهر شهرين ثلاثه اقفل لو يوم انسى دخلت واخذت كل اللي جاهدت اخبيه
وبنظرها ولدها جابه
وهو يقول امي حتى لو شفتيها تاخذ سوي نفسك ماشفتيها
حلال عليها
طيب ليه اعيش وانا اجاهد على الحاجه
عندكم حل يريحني