الفرق بين الدمع والدمع شتان
ياهل العقول المدركه والبصيره


افضل دموع .. اللي على الذنب ندمان
ماهي دموع .. اللي مفارق عشيره


الاوله بنت التدين والاحسان
والثانيه بنت الظروف المريره


الضعف لله قوه بنفس الانسان
ضعفك لربك غير ضعفك لغيره


مابه ضعيف اضعف من ضعيف الايمان
ولا خبيث الا خبيث السريره


يارب اعذني من دنس كل شيطان
وابعدني من اهل النفوس الحقيره


ماني على رديان الافعال شفقان
شبه الرجال اللي بشبه الجزيره


القرب من بعض الرياجيل سلوان
والبعد عن بعض الرياجيل خيره

للشاعر فيصل الدوسري رحمه الله

__________________
الحمدلله حمدا جزيلا ...