صاحبة السعادة

ما أبغى أضايقك .. لكن بيوم من الأيام ، كان وضع أمي الله يرحمها مثل وضعك
و وضع أخوي الكبير مثل وضع ابنك ..

و يوم أمي كبرت ، و الكل تزوج و مابقي أحد جنبها ..
و أخوي الكبير تغير طبعا بعد الزواج و انشغل ببيته و زوجته ..

قالي بيوم من الأيام و ماحد يدري عن الشي هذا .. قالي :
( أنا مرررررة ندمان ، إني ما زوجت أمي من زمان .. كانت انشغلت دحين و تونست بحياتها ..
أنا ندمان و ليتني خليتها تتزوج و تنشغل )

.
.

أنا طبعا كنت أزعل بداخلي و أبكي لو أسمع أمي تمزح و تقول إنها تبغى تتزوج .. و كانت بس تستفزني ..
يمكن لو رجعت للحياة ، برضو ما أتخيل أمي ممكن تتزوج .. و مستعدة أتفرغ لها 24 ساعة بس ما تتزوج ..

مع إنه من حقها ، و العقل يقول من حقها ..

لكن أخوي اللي أمي ضحت بكل شي من أجله ، بدأ يمل و ندم إنه ما فكر بيوم من الأيام إنها تتزوج ..
و صارحني بالشي هذا قبل وفاتها الله يرحمها و يغفر لها ..

و الحمد لله إنها ما أحتاجت له و لا احتاجت لأحد غيره ،
و توفت مثل ما كانت تتمنى ، إنها ما تكبر و تصير ثقيلة على أحد
مع إني أتمنى عودتها و أخدمها ليل و نهار ..

.
.

عالعموم ..

لا تستسلمي ..