السلام عليكم ورحمة الله وبركاته.

أحبك الله الذي أحببتيني فيه حبيبة قلبي، رفع معنوياتي حكيك كتيير تسلمي والله يحفظلك عائلتك،

ويارب كون دوم بهذه النفسية ماأتأثر من كلام حدا، هدفي الحين بس استعيد صحتي وامشي على رجلي واكمل كورسات العلاج وبرنامج الرقية مع الشيخ المتابع حالتي بس..

سواء الله رزقنا أو لم يرزقنا الحياة م ابتوقف، لازم أكون قوية لأ كمل

الضعف بيرجعني للوراء كتييير لهذا بدي أظلي قاوم والفرج قريب لي بإذن الله

لكن بس أحتاج كمان صبر والحمد لله رب العالمين..

بوسيلي أولادك يا حبيبتي..

تسلمي كتييير.

حبيبة قلبي رح وصلهن قبلاتك يا غالية 😙😙😙😙😙😙

صدقيني الامل موجود ما دام عم نتنفس وبالوقت الحاضر صحتك اهم شي
وبإذنه تعالى رح ترجعي تمشي وتكملي علاجك والرقية
وارادتك وعزمك وتوكلك على الله نصف العلاج
ورح تستلذي بطعم الصبر

واللي ربنا كاتبه رح يصير وارزاقنا عنده وحده

وبفرح بس اسمع كلامك وكلام ناس كتير انو الحياة ما بتوقف على شغلة او امنية
بل بعيشوا كل لحظة وهني مبسوطين
لانو بدل الامنية في امنيات لتحقق

واقسم بالله وربي شاهد على كلامي خالتي صرلها مزوجة اكثر من 20سنة
وربنا ما رزقها اطفال لانو زوجها عقيم وما في علاج ابدا لحالته
بس اذا بتشوفيها بتحبه حب وهوي كمان
عايشين حياتهن بالطول بالعرض
واذا بتشوفيها ما بتقولي كبرت بالعمر
من دون مبالغة جسمها ووجهها بعدهن نفس الشي متل ايام زواجها وكانت عروس
كتير راضية بحياتها وعارفة تبسط حالها
ما وقفت قصة الانجاب عقبة امام سعادتها

والاهم صحتك والرقية لانو بالرقية بإذنه تعالى رح تنحل امور كتير بحياتك
وربنا كريم وبيكرم عباده الصالحين
المهم ما تهتمي لكلام الناس لو واحد بالمية
صدقيني ما حدا مرتاح من كلام الناس وهيدول بعتبرهن مريضين والواحد لازم يدعيلهن بالهداية
لانهم بيأذوا او بيجروحوا غيرهم بكلامهم وما بيعرفوا معنى التصالح مع نفسهن ولا لذة طعم السلام

من كل قلبي بفرح لفرحك وبدي ياكي دايما قوية
ولو ضعفتي كلنا بنضعف
بس ارجعي اقوى من قبل واتحدي اي فكرة سلبية بتخطر على بالك
وتحديكي الها بانك بتستاهلي كل شي حلو حصلتي عليه
وبتستاهلي اشيا احلى واحلى 💖💖💖💖💖💖💖💖
هيدا مش مجرد كلام هيدي الحقيقة اللي بتستحقي انك تسمعيها

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه