عجيب والله كلام البعض!
الكوي والغسيل ووو الخ صار شغل الخدامة مو شغلة الزوجة ؟!!!!
من متى السنع والذوق صار شغل الخدامة!
مع ان عندي خدامة بس آنه اكوي الملابس
وآنه اغسلها .. وآنه انظف غرفة نومي واطبخ
والله استحي لين احد سأل : معتمدة عالشغالة؟ ويكون جوابي اي آكل وامسح ايدي بالطوف وانه لا موظفة ولا شيء.... لو موظفة الزوجة معذورة

عموما .. صاحب الموضوع هي صح مو ملزومة شرعا
لكن لا تجيها من باب الواجب
لانه امر منفر وبتقول لك لا مو واجبي..
لكن لما تجيها من باب انتي راعية ذوق ومو حلوة بحقج ان بيتج جذي
وهذا مو السنع اللي شفته فيج وفي اهلج... واكيد عندج سبب منعج تسوين كل هذا
يمكن انتي تعبانه وانا ما حسيت فيج.

ترى والله الكلمة الطيبة تلين الحجر
واي زوجة ترتجي الطيب من زوجها بكل مشكلة وبكل وقت

__________________

حاجة الناس إليكم من نعم الله عليكم ، فـ لا تملوا النِعم ☁✨