هلا خواتي اخواني عندي موضوع ابنهار بسببة هو أن طليقي كلم علي بالهاتف قبل أمس يقول ابرجعك وانا أحبك مانسيتك وهوا عندة زوجة وعيال عطيتة رقمي ورقم امي كلم عليها قال أنا برجعها قالت امي الكلام بعد العيد وأمي ماهي معي تقول شكلة لعاب أخاف ينحاس الزواج وأبغي اقول لكم في صك طلاق مكتوب طلق طلقة واحدة وبانت منة بينونة صغري واذا أراد إرجاع يأتي بعقد جديد مستوفي الأركان والشروط مالقيت أحد أسئلة بموضوع طلاقي ايش يعني محتارة والله وأبكي أخاف يهون ويروح وانا فرحت بالموضوع ابكي وأصيح خواتي اخواني ساعدوني هل بيرجع أو يهون ايش اعمل انتظر رأيكم الله يوفقكم

تم تعديل العنوان ليتناسب مع المضمون

وانا ماني مصدقة بكلامة قبل أمس قصدي تفاجأت برجوعة لي خواتي وين اروح ايش اعمل علموني أخاف يروح أو لتزوجت مايستمر زواجي وزوجته الثانية تأخذة كلة وجهوني محتاجتكم

لساتك يا مصونات أخاف وأخاف

خليه يجئ عن طريق الرجال بعد العيد ووقتها يحلها ربي
المهم لاتتواصلي معاه نهائي ، يعرف من وين يندق الباب ..

__________________

و الله نصيحتي لك من قلب تاخذين جلسات مع استشاري نفسي لازم تتخلصين من تراكمات قديمة و تتحضرين لزواجك بذهن صافي ( هالخطوة ضرورية) علشان اذا حابة ترجعين لطليقك ترجعين و انت على استعداد نفسي تام و دراسة لوضعه الجديد مع وضعك ما يصير ترجعين بدون تخطيط …بعدين موضوع زوجته اكيد لازم يعدل بينكم و اكيد ما راح يكون كله لك يا مصونات اذا بترجعين لازم تحطين في بالك ان فيه امور تغيرت و ان زوجك الان متزوج …
لازمك تفكير جدي و فصل بين اللي صار لك من اثار الطلاق علشان تقبلين على حياتك الجديدة ان شاء الله بكل استقرار …

ربي يوفقك و يلهمك الصواب

__________________

…|و يارب أنزل رحمتك على أهل القبور |…
(رحمك الله يا خالتي)

في صك الطلاق بائنة بينونة صغرى، معناته طلقك طلقة واحدة وعدت ثلاث حيضات، واذا يبي يرجعك لازم يعقد عليك بعقد جديد وبمهر جديد يعني مثل ما تزوجك من اول..

هل سبب رغبتك في الرجعه انك خايفه ما يتقدم لك غيره ؟

لا والله مو عشان كذا والله تقدم لي ثلاث أو أربع بس انا خايفة من التجربة الزواج من غيرة وفرحت اختي الغالية انة بيجيني ويرجع خايفة من تجربة زواج جديدة هاذا مقصدي بس خواتي كيف اول كان معي بزوجة واحدة والحين معة وحدة تشاركني في كل شي هاذا خلا تفكيري يزعلني علي حالي انتظر ردكم خواتي اخواني

شوفي نفسك اذا انتي تبيه وبتتقبلي وضعك الجديد الي هو زوجه ثانية وهو نفس الشي يضمنلك انه يعدل بينكم توكلي على الله وشوفي اهلك بعد ايش رايهم بالموضوع
الله يسهل امورك

نصيحتي لك من قلب لا تسمعين نصايح الحريم أبد أبد ( خاصة في خرافة الكرامة بين الزوجين ) .
أختي مصونات دخلت عشانك وعشان بعض الفلسفات من بعض الأعضاء هداهم الله .
فرحت بالخبر والله شاهد . الحمد لله ويارب يتم رجوعك وأمورك على خير .
يمكن الله استجاب لي لأني دعيت لك أنت والأخوات هنا ( ابتسامة ) .
مسألة التشرط يا طيبة لا تطري على بالك أبد لا أنت ولا أهلك تحت أي عذر .. أختي أنت تمرين بظروف صعبة من 7 سنوات فممكن تتشرطين وينسحب وتكون نكسة عليك .
والطلبات خليها بسيطة وبسيطة جدا وغلفيها بالشرع فقط وخليك ذكية يعني مثلا لو جاء مجال ( وإن شاء الله يجي ) قولي بابتسامة إن كان بينكم كلام مباشر ، وبرسوم تعبيرية فرح إن كان بالرسايل اللي تقدر عليه هاته واللي ما تقدر يفداك . أو قولي وش رايك واحد عنده زوجتين وش الواجب عليه . بيقول ع طول يحط بيت و و و . كذا قفلي ولا تزيدين حرف واحد قولي هذا طلبي الوحيد وعلى حسب قدرتك . يعني خليتِ المبادرة منه وأنت وافقت مع أنه طلباتك .
ولا تجيبين سيرة زوجته الثانية أبد ولا حتى مسألة العدل نهائياً نهائياً حتى ما يعتبر الموضوع تدخل منك في توجيهه . لإن الرجل عندما يقدم على الزواج الثاني حاط في باله إنه عاااادل ، فإشعاره أنه من الممكن ما يعدل خطأ منك .
بالمختصر .. قفلي موضوع زوجته ولا تفتحينه أبد ولا تتشرطين أي شرط يفهم منه فهم خاطئ تجاهها لإن من الممكن ها الكلام ذا ينكب عفشك . ( نصيحة محب الخير لك ) .
2- لو اضطريت للتنازل عن جزء كبير من المهر أو حتى تأجيله أو المسامحة فيه خير شر . فراحتك في بيتك هي المهر الحقيقي .
وأهم شيء أهم شيء إذا حصل بينكم كلام حول الرجوع وما إليه ، فبيني له أنك ما نسيتيه كل ها المدة وأنك مشتاقة له وأن فراقه أشعرك بكذا وكذا وصرحي له إنه كل ما خطبك أحد عجزت تتخيلين نفسك مع واحد غيره وإنك عرفت قيمته يوم راح وتحسين بتأنيب ضمير على ما فات وبيني له أن رجوعه لك أعاد لك الأمل و ومن ها الكلام الحلو .. فيه مثل يقول .. ( الكلام اللين غدا بالحلال البين ) . ترى الرجل أختي ما يحب من زوجته الندية والاستعلاء أو كتمان الشعور وترك المبادرة له دائماً .
الكلام اللي قلته بالازرق لك قوليه له بالحرف وزيديه وكحليه .. حنا نعرف بعض والله ثم والله ( إن شاء الله ) إن يطب على راسه ههههه .
واحد من المعارف طلق زوجته ، وبعد مدة رجعها بسبب أنه سمع من أقاربه أن طليقته بررت رفضها للخطاب قالت ( ينعافون الرجال بعد عبدالله ) . فوصل له الكلام وراح رجعها .
ليش الكلام الطيب الحلو لأنه ما جاء إلا من رغبة فلازم يحس بحسن الاستقبال ويمكن ما سمع الكلام ذا من زوجته فيقعد يقارن لكن لو كان كلش جامد وإشعاره بفرض شروط عليه أو التعالي عليه تنسد نفسه فيندم إنه فكر في الرجوع .
لا تنسين :
كل نصايح الحريم ( كلها )اللي بزعمها تامرك بالمحافظة على الكرامة المزعومة وحفظ مكانتك و و وبالتالي تتشرطين لاااا تسمعينها .
ترى مافيه كرامة بين الزوج وزوجته إلا إن اتهمها بشرفها وهي بريئة فنعم .
اقدمي ولا تخافين من شي وواصلي الدعاء والاستغفار والصلاة والصدقة وبكرة عرفة شدي حيلك .
الله يوفقك

__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .

أولا متى ذكرتُ موضوع الكرامة هذا أو تطرقتُ إليه تلميحا و تصريحا؟

كوني أطلب منها مراجعة استشاري فلأني أرى أن الطلاق يؤثر على قرارها و نفسيتها و بالتالي تصرفاتها و لكي تعيش مع زوجها مستقرة بإذن الله بدون ان تشعر بالحيرة و الخوف و التردد و حتى تحسن من حياتها التالية وتتجنب كل ما يخل بها عليها ان تتخلص من الماضي لتدخل عليه بنفسية مرتاحة …… تريح نفسها و تريحه

كوني ذكرت العدل توضيحا لها انها لن تدخل على حياة رجل تكون لوحدها و طبيعي ان تشاركها الاخرى القسمة لانه حق لها و هذا هو الواقع و هي بنفسها ا ذكرت مخاوفها من ذلك، …..

لم أتطرق للكرامة بأي شكل من الأشكال …

__________________

…|و يارب أنزل رحمتك على أهل القبور |…
(رحمك الله يا خالتي)