من منا ماعنده عيوب ؟
اعتبري هذا عيب زوجك
هو واضح انه من الناس اللي يتنكدون ويزعلون بسرعه ويبيلهم وقت لين يطيح اللي بروسهم
وترى هذا يخف مع التقدم في العمر لان الرجل كل ماتقدم بالعمر يهدأ ويركد
وطالما ان اللي يسويه يقربك من الله ويطورك اعتبريه خير لك
استغلي لحظات الصفا بمدحه واوصفي جمال ملامحه واشراقتها وجاذبيته وهو رايق
تحنني له وقوليله انه مالك بعد الله الا هو وانه مايهون عليك زعله منك وحنانه عليك وصبره يشعرك بالامان معه بعد الله
وانه هذا اللي تحبه كل زوجه من زوجها انه يشعرها بقربه منها وحنانه عليها
وان زعله يشعرك بغربه وخوف وكأنه شخص ماتعرفينه كانك قاعده في بيت غريب عنك
وانه لو لك معزه عنده لايطول الزعل ويفرح الشيطان عليكم
وانتي لاشفتيه زعلان لاتبررين لنفسك عنده دام انه يعتبر هذا الفعل نكد
اعتذري بأدب واتركيه وقومي بحقوقه كامله واصبري
الطريقه هذي راح تكون تدريب له على خفض حدة الغضب لين يتعود على ضبط اعصابه