28-09-2015, 09:46 PM
|
المشاركة الأصلية كتبت بواسطة مسز داني
اشراقة مسكولك ال50 ريال
وش يفكك منهم. خلاص كل الفكرة ما بتنفهم و بتظل ال 50 عموما اتوقع التغير الحقيقي. بدأ لما فتح بيت ثاني و المصاريف زادت لذا يعمل هالحركة للتوفير |
|
المشاركة الأصلية كتبت بواسطة ريف الأشواق
إشراقه أنا زيك توني متوظفه من شهر
وبديت أشاركه في المصاريف وأساهم في السفر وأشتري له إذا رحت للسوق بدون ما يطلب الحياه الزوجيه مشاركه وتوني شاريه له هديه غاليه في العيد لأن توظفت عن طريق زوجي 💖 إشراقه هو ما قصر معك قبل ما تتوظفين ردي له الجميل وحاولي الليله تعزمينه على العشاء |
|
المشاركة الأصلية كتبت بواسطة ريف الأشواق
يا بنت الحلال زوجك يمزح معك
كان كمليتها وقلتي له المفروض أنت تطبخ الغدا وتسوي لي الشاهي لما أقرأ الجريده |
|
المشاركة الأصلية كتبت بواسطة خواطرمكسوره
لو كنت مكانك وفي نفس وضعك والله قرش واحد ما يأخذه إلا قادر يفتح بيتين يتحمل قراره ...
قولي له لو كنت وفي للعشره ولي لوحدي كنت تبشر .... وافتحي الحاسبة واحسبي راتبه قدامه عشان يسكت ولو قالك مصاريف بيتين قولي ما أحد ضربك على يدك تفتح بيتين ... وأما مسألة التذاكر ذكريه بوعده لما خطبك يوديك كل اسبوعين عند أهلك قولي له وعد الحر دين عليه ... حبيبتي زوجك يبغاله قصف جبهه كل ما رمى عليك كلمة اقصفي جبهته بكلمة تسكته للابد .. |
|
المشاركة الأصلية كتبت بواسطة Zainab123
أختي اشراقة الحل انك تجلسي معاه واتحددوا مبلغ معين انتي وهو اتساهموا به كل شهر لاتزيدي ولا تنقصي وهذا اللي انا اسويه..
تفتحوا لكم اكاونت مشترك وفي بداية الشهر انتي وهو اتحولوا المبلغ اللي حددتوه وتضعوه في الحساب المشترك بينكم.. ..وهذي الفلوس هي اللي تصرفوا منها للبيت والأطفال والسفر والإيجار .. الباقي من راتبكم يكون في حسابكم الخاص .. |
|
المشاركة الأصلية كتبت بواسطة مهره
طيب .. أنا ما رضيت أذكر الجزئية الأهم في الموضوع عشان ما أأزم نفسية إشراقة.
لكن واضح إن البعض هنا مب منتبه فعلاً أو عامل نفسه مب منتبه!! زوج إشراقة متزوج .. فاتح بيت ثاني. واللي مثله المفروض يكون قادر مادياً على الإنفاق على البيتين .. بدون ما يطلب دعم ومساعدة من حد. فإذا كان زوجها ـ مثل ما تقول إشراقة ـ يتصرف مع زوجته الثانية بنفس تصرفه معها .. إذاً فلوس الأخ ـ اللي هي ثلاثة أضعاف راتب إشراقة ـ وين تروح؟ إذا كل وحدة بتشيل نفسها وتدفع نص مصاريف بيتها الأساسية والكمالية .. إذاً التزامات شو اللي الأخ يشتكي منها؟!! |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري