تعرف انا حبي لزوجي أول وصل لأي مرحلة ؟
كنت أقول له-طبعا قبل زواجه- أنا لو توظفت الوظيفة الفلانية في المكان الفلاني، لك مني هدية السيارة اللي نفسك فيها من سنين ..

( كل مرة يروح معرض السيارات ويستخسر يجيبها )
وفعلا كنت صادقة ، بس الظروف تغيرت !

بطبعي أحفظ المعروف وأحب أسعد أقرب الناس لقلبي

الحمدلله فقت من أحلامي الوردية .

عن نفسي عارفه شعورك هذا
وصارت وتصير معي مع اخواتي

لما توظفت جبت لاختي " الغير موظفة" من اوووول راتب مسكته بيدي 500
وثاني راتب نزلت السوق وحبت لها تعليقة ذهب وسلسلة بعلبه وحطيت معها 500
وكل ما رحت السوق احيبلها معي يا بلوزه يا قميص اي شي استخليه لها
وعيد الفطر 500 وعيد الاضحى 500

وكنت من زود الكرم افكر اقاسمها راتبي واعطيها جزء منه
" لكن ربي صحاني من احلامي على قولتك "

استمريت على كذا 4 سنوات مدة توظيفي
ما اشوف الا التعالي والمعاملة السيءه وعدم الاحترااااام
تخيلي تاخذ مني العيديه وهي جالسه وحاطه رجل على رجل
يا الله افتكرت تقول شكرا وترجع تسولف " حسيت كنه واجب علي " لا صافحت ولا سلمت ولا من العايدين ولا حتى ابتسامه ولا شي
وهذا اللي ذبحني بحكم اني اكبر منها

والتجاااااااهل لوجودي على ابسط مشكله تصير
وبالاشهر يمتد التجاهل والمقاطعه حتى برد السلام!!!

اش سويت هذي السنه؟
عيد الفطر ما عطيتها شي ؛ وعيد الاضحى ولا شي
صرت اروح السوق واشتري واتشرى ولا افتكرها بريال واحد

رغم ان يدي تحكني اشتريلها واعطيها في العيد
فالكرم طبعي والحمد لله وبشهادتها!!

لكن ضربت يدي؛ وقلت وقفي ما خربهم عليك الا الكرم اللي فهموم واجب واستعطاف!

بتساليني عن النتيجه؟
على الاقل مرتاحه اني ما مديت يدي وانعضت😌

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )