المشاركة الأصلية كتبت بواسطة أم دان

حبيبتي اشراقة أنا قرأت موضوعك وماقرأت جميع الردود.. فالمعذرة منك إذا كان كلامي مكرر....

كلامي اللي أكتبه لك هو في حال أنت شارية زوجك واستقرار أسرتك..

أول نصيحة أقدمها لها لك لا تحلمي نهائيا (بزوج حقيقي) لموظفة تشتغل... إلا في الأحلام والأفلام والمسلسلات ..

شوفي ياقلبي احنا الآن ماراح نناقش الواجب والمفروض في الصرف..لأننا كلنا فاهمينه..نبي نناقش واقع أنت الآن تعيشينه.

واقعك مع زوج حتى مع عطائك عينه على الراتب!
حتى مع كرمك يحسسك ماقدمتي شي!

صح

بإختصار مو مملي عينه الشي اللي تقدمينه..

هالنوعية ماترتاح ولا يرضيها غير تشفط اللي وراك واللي قدامك وتخليك على الحديدة..
هالنوعية تحب تمتلك الزوجة وتعتبر ممتلكات الزوجة ملك لها..

قال لي خذي قرض ونتشارك نبني الأرض
صرفته كثير
ومن كثر ما يزن اضطريت اقول انا آسفة صعب اتشارك معاك وفيه وحدة ثانية معنا على الخط
قال إني مجنونة وهو يفكر في مصلحتي وأنا أفكر في أشياء ما لها داعي..
.
سبحانك يارب !!!



أنت الآن أمام ابتلاء زوج تغير ونفسه الأمارة بالسوء خلت عينه على راتبك..

طيب وش اللي دفع زوجك للطمع في راتبك والحسد لما تملكيه أو تدخرينه؟؟

ربما بذخك وإسرافك المجنون أول ماتوظفتي هو السبب.. بحيث شافك تصرفين يمين يسار بدون تدبير ولا تخطيط...فكون عنك فكرة أنت إنسانة لا تحسنين الصرف..

خصوصا إذا كان هو من النوع المدبر اللي يحسب القرش.. هالنوعية من الرجال في داخلها ماتحترم المرأة اللي تصرف بدون تدبير..هالنوعية تقدر المرأة المخططة اللي لها أهداف تحققها.. وإنت بداياتك في الصرف للأسف ماكانت بهالطريقة..

بالزبط..
هو مكافح بنى نفسه من الصفر عمره ما مد يده لأحد

ويقول اني مدلعة وأمه مسكينة لما كانت قدي أبوه تخلى عنها وعاشت في حي فقير وما في احد يساعدها

ايش دخلني ؟؟!!


بالتالي طحتي من عينه وصار شايف نفسه هو أولى بالفلوس من البعثرة والطشطشة..وحكم عليك إنك غير محتاجة..

أو ربما السبب الأصحاب.. ماتدرين..
لأن في ناس من البشر يتباهون الحرمة عطتني والحرمة شرتلي والحرمة سوتلي والأدهى والأمر لما يستعرض على الملأ بصرافتها معه في جيبه ..

ويعيبون ويمعيرون الرجل اللي زوجته موظفة وما أعطته ولا استفاد منها ..

وعشان يظهر بصورة رجال قدامهم.. يضغط الزوج على زوجته بأساليب الضغط المختلفة عشان تعطيه وتبذل كل طاقاتها لإرضاؤه وهو يستعرض ببطولاته ويفتخر بإنجازاته قدام الأصحاب.

يا اشراقة
الطماع ماله حل والحسود ماله حل..
وعشان توقفينه عند حده ألزميه بالواجبات قدر المستطاع..لأنه هدفه التنصل من كل شي بس بالتدريج...

صح

ولأجل مانظلم زوجك هو حاليا قايم بالأساسيات.. فاحمدي ربك هذه نعمة اشكري فضل الله عليك.. لأن في نماذج مبكية حتى الأساسيات الزوجة تقوم فيها..

ألف حمد وشكر يارب.. الشهادة لله يقصر على نفسه عشان يعطي اولاده والبيت


أنصحك تنسين زوجك القديم الكريم المعطاء واعتبري نفسك الآن تزوجتيه وإنت موظفة وابن حياتك على هالأساس..

نجي لراتبك قسميه لأقسام حسبى أوجه الصرف اللي تحتاجينها ..

قسم ساهمي به وسدي به عين زوجك وهالقسم يكون بقدر ثابت يملي عينه...أعط بصمت وهدوء ورضا نفس لأن لما تساهمين من غير رضا بينعكس عليك وعلى نفسيتك وتصرفاتك وراح تعيشين مدمرة نفسيا وهمك ماراح ينتهي بالعكس يوم عن يوم يكبر..وراح تاكلين في نفسك وتذبلين من التفكير..

بإختصار اشتري استقرار حياتك والحب والعواطف والأمان والحياة الكريمة من زوجك بفلوسك ..للأسف هم وصلونا لهذا الحال.. ﻷنك إذا مامليتي عينه بالفلوس بتخسرينه وتتوتر العلاقة بينكم وتوصلون لمواصيل صعبة وتصيرين أنت المادية مو هو الطماع..

خلي قسم لتنفيذ مشروع شراء أرض أو امتلاك سكن..وما أنصحك تاخذين قروض من البنك..القرض يمحق البركة من الراتب،،
إنما أنصحك تدخلين جمعيات بمبالغ كبيرة وخليك آخر واحدة تستلمينها.. إذا ماعندك أهداف قريبة المدى ..

المهم خليك محددة هدفك من تجميع الفلوس عشان أول ماتستلمين الفلوس تنفذين خطتك وتحطي الفلوس بمكانها وما تتبعثر...

والباقي شوفي كيف تقسمينه حسب احتياجاتك..المهم غير المبلغ اللي حددتيه للمشاركة لا تحطي قرش زيادة قولي ماعندي وخلي كلمتك واحدة لا تتراجعين فيها..واحرصي حسابك البنكي يكون خالي..

اشتري كل اللي في نفسك لنفسك بعيد عن عيونه..أعط لأهلك بدون علمه.. حتى صحن المعجنات والحلا اللي تودينه لأهلك لايدري عنه اطلبيه خدمات توصيل لبيت أهلك مباشرة..أو بأي طريقة تناسبك ..

بإختصار أوجه صرفك مهما كانت بسيطة وتافهة مو بس لا يطلع عليها .. لا يحس بيها...

قدمي له هدايا بين حين وآخر بلا سرف ولا مبالغة واحرصي يكون شي نفسه فيه أو محتاجه ..

اتبحبحي معاه قدر الإمكان من غير ماتضرين نفسك ولا تموتين قهر على حالك..

إذا ماتقدرين يا إشراقة تعط زوجك بنفس راضية الخيار الثاني لك حكما من أهله وحكما من أهلها..وهالخطوة مذكورة في القرآن ماهي عيب ولا هي حرام..

عزائك الوحيد الدنيا ماتكمل لأحد ولو كملت تصير جنة.. الشي اللي ينقصك بالدنيا تلقينه باﻵخرة..وأجرك محفوظ عند الله مو ضايع..والآخرة خير وأبقى..

أنا ماأدعوك للإستسلام والخنوع أبدا..لكن وصلت لقناعة تامة الحوارات والنقاشات تهدم كل شي وماتبني أي شي مع بعض النوعيات من البشر..
فالأفضل الصبر مع التسديد والمقاربة لاستمرار الحياة وعدم شتات الأسرة..

هوني على نفسك واصبري وطولي بالك وانشغلي بالذكر الله وبالدعاء .. وكل ماضاقت نفسك استعيني بالصلاة...ولا توصلي مع زوجك لطريق مسدود..حاولي تحليها بهدوء...

أخيرا حابة أقول لك لا تتوقعي أبدا موقفك ومشاعرك ونفسيتك بيكونوا غير إذا زوجك ماكان معدد..ترى مافي فرق..

أقصد حتى اللي زوجها مو معدد وهي تشتغل وأسلوبه نفس أسلوب زوجك .. موقفها نفس موقفك وردة الفعل نفسها والنفسية نفسها .. مو المشكلة في التعدد .. المشكلة في أسلوبهم وعدم خوفهم من يوم الحساب...

الله يفرج همك ويصلح حالك ويكتب لك اللي فيه الخير...

المشاركة الأصلية كتبت بواسطة ملكة الآحساآآس

ماعليه اشراقه حبيبتي من كل شي يمر علينا نتعلم منه
انتي تعلمتي وفهمتي زوجك ع الوجه الثاني

خليك قويه صامده
ع فكره انتي من الناس الي تعجبني اسلوبها وطريقتها وقوتها

شكرا حبيبتي الله يسعدك

زوجك مااخذ وضع الصديق بالبيت ادفع زي ماانا ادفع والسفريات والاكل والشرب قطه الا الشي الي لك ادفعه

لذلك حبيبتي الحمدلله انتي التفتي للموضوع من بدري يعني مو لكم سنوات ع هالوضع يعني تقدرين تداركين الموضوع

شوفي اول ماتزوجت اعطيت زوجي وقتها نص راتبي تخيلي وقلت له حط نفس المبلغ ويصير نقضي للبيت منه شوفي الهبل

بعدها ندمت خيير ليه تزوجني عشان اصرف ع نفسي
وللامانه هو يرفض حتى مصروف فطوري كان يعطيني وهذا تحسب له

قلت له نفتح حساب ويحط كل واحد فينا مبلغ وحددناه بالنسبه حسب المرتب
ونستفيد منه مثلا لو نبي نسافر انا احب افخم الفندق والمطاعم لذلك ناخذ من الصندوق
والبقيه توفير

مااذكر ولا مره طلبني او قال ادفعي بس اهديه هدايا معقوله مش هبل
مثلا شماغ او عطر ساعه كبك بس سياره لا معليش مهما بلغ حبي

ومن وراء هذا كله عندنا حساب لولدنا نحط فيه مبلغ بسيط حتى يكبر ويحتاجة

الامور الماديه ماكانت عائق لي

بس نفقه شهريه مايعطيني ويقول اذا احتجتي اعطيك بعيد رمضان عطاني صرافه وحط فيها خمس الاف لي ولولدي
الشتاء والصيف اذا نزلنا مول واعجبني قطعه يشتريها لي او ختى قطع او فستان اكسسورات او ساعه

يعني الامور الماديه صراحة ماكانت متعبه لي

بعد طلاقنا صار يرسل مصروف ولده والعيد قابلني واعطاني صرافته

المشاركة الأصلية كتبت بواسطة نبض الدان

وهنا همسة لأزواج الموظفات كلما كنت أكثر عفة عن راتب زوجتك كل ماكانت أكرم معك
وكل ماكنت أجشع كلما كانت أكثر حماية لنفسها ومالها لأنها تفقد الامان..

المشاركة الأصلية كتبت بواسطة حظي حلوو

اشراقه حبيبتي

الله يفرج همك من حيث لا تحتسبين
ويهدي زوجك ويحنن قلبه عليك
فليس ذلك على الله بعزيز

المشاركة الأصلية كتبت بواسطة الإشراقة!

نبض عشان تكون واضحة الصورة زي ما قالت ملكة ...

ليا سنة كامله ريال واحد ما اعطاني يخص ملابسي

ولما طلبته في عيد الفطر قال اشتري من كسوة الأولاد لكم كلكم خلاص والله ماخذت منها ريال

يدوب كفتني لهم وزدت من عندي فوقها

وللمعلومية ماعندنا ايجار !

له سنة بس أخذ شقة للثانية ايجار

وشفت عقد الايجار بسيط المبلغ بالنسبة له..

هيا الثانية لها دور في تعامله معايا

تدفع له كل شي كلللل شي وهو تعود

والحين قاعد اكيد يقارني فيها.. تحسب حتكسبه كذا .. مسكينة !