فعلا فعلا جالسه اشوف أن نظريتي عن أم الزوج صح سواء هنا و شوفتها كمان برا ... مهما تعامليها مثل أمك وتحبيها إلا في الأخير راح تصف مع ولدها وما بتكوني بغلاوة ولدها ...

والله بكل صراحه افكر اغير نفسي حركة اني أبدي أهل زوجي على نفسي واحب أمه مثل أمي بخليها ولا راح أساويها بأمي مهما سويت ما بتحبني كثر ولدها وهذي الحقيقة ... اعاملها بما يرضي الله وفقط ..

شوفي ياخواطر
عاملي أم زوجك وأهلك زوجك بأصلك وكله في موازينك..

كل حالة لها حكم..

ماتحكمين علي ولا على مرت ولدي من خلال موضوع..وتفاصيل الحياة كلها أنت تجهليها..

وبحكم إني أم فأنا أرى الأمور من زوايا كثيرة...وليس من زاوية واحدة ..

لا مو من موقفك فقط كمان صارت مع وحده اعرفها لكن في الأخير حضرت زواجه وفرحت ورقصت و أعطته جزء من البيت يسكنها فيه ومع هذا تقول أنا ماني راضيه طيب الفرح إلا حضرتيه والكشخه للعرس والتسهيلات ... للعلم زوجة ولدها لها تقريبا الآن سبعة أشهر عند أهلها وما افلحت محاولاتها هي وولدها برجوعها وشكل آخرتها الطلاق وطفل بينهم يتشتت وليته الزواج لسبب قوي بس فراغة عين ....

طبعا انا قلت كلامي عن أم زوجي لأني فعلا احيان كثيره ابديهم على اهلي عشان أكسب محبتها ورضاها وعشان لو ولدها بيسوي شئ ماله داعي ولا في سبب قوي من طرفي توقف معي .... لكن الحين خلاص تغيرت نظرتي في كل الحالتين بتصف مع ولدها فأعاملها عادي وبما يرضي الله فقط والباقي لأمي حبيبتي إلا لو تطلقت من ولدها برجع عندها ...

أستغرب من عقلياتكن يا الحريم

إذا هو عنده رغبه في الزواج وأمه

ماخطبت له ووقفت معه

في عرسه من أجل يوقف معه ؟

العتب يصير على الأم إذا هي سبب

المشاكل بين الزوجين وتزوج بتحريض

منها ، أما إذا كانت رغبته تخليه لمن يعني ؟

__________________
الحمدلله حمدا جزيلا ...

يعني انتي عادي تروحي تخطبي لأخوك المتزوج وتفرحي وترقصي عادي جدا >> ولا حظي أنه متزوج بدون سبب قوي كذا بس بيجدد..
إذا كان فعلا عادي بالنسبة فالعقل يقول انك ماتزعلي من أم وأخوات زوجك إذا تزوج عليك وحضروا الزواج وفرحوا له ... حب لأخيك ما تحب لنفسك ...

إذا أخوي لجأ لي ماله غيري وهو عازم

وجاد طبعا بأوقف معه ، وليش أزعل

من خوات زوجي وأمه إذا خطبو له

بأزعل منه هو ، لأنه هو الي تزوج

مو هم .

__________________
الحمدلله حمدا جزيلا ...

حلو كذا تمام ..... بس الأهل يسهلوا الطريق قدامه ...

للعلم أنا حاليا في موقف كذا من أخوي وحلفت له يمين ما أتدخل ولا أحضر معاه لأني ما أرضى على نفسي و غضبي بيكون على زوجي ومن سانده ماديا ومعنويا ...

مع أن أخوي عانى من زوجته كثير ترفع السكين بوجهه تهدده عشان أهلها ينصحوها تهتم فيه على بالها أنه مشتكي عليها من غير أنه يحلف أنه من كم سنه محروم من حقه الشرعي ولا تهتم فيه ابدا جايب شغالة تطبخ وتنظف بدالها وهي جالسه بدون شغل وولد واحد فقط عندها ولها 9 سنيين على هذا الحال لكن انا ما راح أخرب بيت أحد ولا أدخل نصتحه وهو حر ..