مبتعثة انا كثير أسويها زي ما قالت مريم سواء مطعم أو كوفي شوب.. دايما لحالي أكون..

في البداية حسيته شي صعب ، بعدين خلاص مرة تعودت أعيش جوي على الآخر

الكل متفق البدايه صعبه
بعدين الواحد يتعود

غريبات صحباتك 😑
احنا نتهاوش وقت الحساب كل وحده تبي هي اللي تدفع

لكن لا تحرمي نفسك انا اشوفه عادي
لكن مقدر اسويها
لاني نادر ما اطلع لوحدي
فالموضوع صعب شوي

__________________
ي رب رضاك و الجنة

للامانه ماكانوا يقصرون
ولنا طلعات قبل وعلى قولتك كل وحده بتدفع
وكل مره عندنا رغبه بالخروج
لكن الحين ضروفهم صعبه
واذا بغصبهم على الطلعه انا بلتزم بالدفع
او ممكن اقترح نسوي جدول بس احراج صراحه
فالاسلم اطلع واونس عمري

على حسب المطعم إذا كان فاست فوود زي مطاعم البرجر والبيتزا .. عادي جدا

بس إذا كان خمس نجوم وحاجة على مستوى لا طبعا مستحييل أروح سينقل لازم أحد معاي .. ما أتخيل يسألني الويترز طاولة لكم شخص أقوله بس أنا لحالي 😭 أقعد ف بيتي أكرم لي ! وإذا مشتهية أكلة من عندهم أخذها تيك آوي ولا أقعد بروحي !

والكافيهات نفس الشيء ع حسب إذا مافيها شيشة وهالخرابيط ممكن الواحد يقعد فيها لوحده لأن هالنوع من الكافيهات هادي وحق رواق .. بس فيه كافيهات اللي فيها شييشة أبد ماينفع فيها هالنظام لأن أماكنها صاخبة وغالبا الطاولات شلل وشكل الواحد يطلع تحفة بينهم !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

انا زيك
امر المطعم اخذ تيك اوي اذا كنت لوحدي
لكن خلينا نجرب
شوفي البنات ماشاءالله مستمتعات
خليني اجرب واقول لكم بعد كذا مره احساسي

على فكرة مبتعثة أنا ماعندي مشكلة أروح سينما بروحي وقلت لزوجي كم مرة ولا رضى ..
لو يرضى رحت على طول .. أصلا أحسن لي أروح لحالي ..
أندمج بدون مقاطعة وآخذ راحتي في البكا هههه ..
هو مايحب إلا الأفلام الكوميدية العربية .. أنا ماعندي مشكلة أروحها ..
لكن بعد فيه أفلام كثيرة تنزل وأبي أروحها ولا يرضى يروح معاي ..

اذا تهاوشتي معاج
اعزميها على مطعم و تراضي انتي وانتي 😂

فرح 😊 جربي .. ترى عجيب
آنه من قبل ما احب اروح كافيهات فيها شيشة وجذي
احسها ما ادري شلون استغفر الله
بس ياما رحت مطاعم كلاس و راقية يسالني حق جم شخص
اقول له انه بروحي
واظل مع كتابي او روايتي وآنه كلي استمتاع

__________________

حاجة الناس إليكم من نعم الله عليكم ، فـ لا تملوا النِعم ☁✨

هههه براضيها واجيب لها هديه بعد
كم مبتعثه عندنا 😜

اعتقد التذوق بشكل مختلف كل مره شي جميل ..

مرات اكون لوحدي ..
ومرات اكون مع صحباتي ..
ومرات مع خواتي ..

لوتطلعي لوحدك عادي ومتعه لكن برضه نوعي ..
اكثر شي احرص عليه اني اكافئ نفسي لما انجز شي او احقق امر ما ..
باني اعزمها مثلا على مكان تحبه .. او اشتري لها شي تحبه

متعي نفسك وعيشي اللحظه وانسي العالم ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]