مرحبا منفرده. ردي في عيوبك وحسناتك يشبه رد سحابه رغم انا مادري ايش التلفظ اللي تلفظتيه. لكن انتي فعلا مضغوطه وهو مستفز انتي قلقه ومصغوطه لانك ماتبين حياتكم تتغير عن بدايه زواجكم تخافين زوجك يمل منك وممكن يبحث عن بديل وهالشي خلاك تضغطين على نفسك اكثر كلنا كذا مع اول طفل ولكن لنفسك عليك حق يعني لاتضغطين على نفسك في تدليله علشان بس ماتتغير حياتكم مثل حكايه ماخذتي كفايتك من النوم وطلعتي له هالصاله هالشي بيخليك متوتره. لا حبيبتي خليك ريلاكس وحطي في بالك طبيعي بتتغير حياتكم لكن للافضل بيزيد ترابطكم في بعض وبتهملينه قليلا خاصه ان البنت ماكلمت سنه وبيتحمل تقصيرك وحياتكم مستحيل تكون ممله كل مرحله ولها حلاوتها واذا كبرت البنت اشوي بترجعين تتفرغين له اكثر اكلمك من تجربه. ايضا اراك مدلله وطفله لكن زوجك حابب هالشي ونعم انتي تجتهدين على نفسك ولكن لكل جواد كبوه ومو غلط بس حاولي تتحكمين بردود افعالك ونهائيا لاتغيرين الطبع الطفولي فيك هو غلطان بضربه وبيعتذر مادري اذا زوجك عنده ام او اب علشان يتعهد قدام اهلك واهله مايكررها لايصغر موضوع الضرب بعينك مهما قالوا الاعضاء لان مايحس باهانه الضرب الا اللي جربه ونهائيا ماتشبه قصتك اي قصه ثانيه بالمنتدى لان تصرفاتك طفوليه وزوجك عارف ومقدر وحابب هالشي لكن اكيد يكره الملاسن والمرادد وهذا اللي انتي بتشتغلين عليه

والله قلتي شي من اللي بقلبي
تخيلي اكثر من مرا انيم بنتي بالليل . . عند اهلي تنام عادي
ببيتي تنام وأكون مجهزه نفسي وغرفتي وحتى كلامي لزوجي .. وتخرب علينا بنتي
هو صار يمل .. وانا جاني احباط وصرنا خلاص ما ننتظر الوقت اللي يجمعنا لوحدنا
اوقات اقوله نامت يقول لا لا الان تصحى وفعلا تصحى ويقول شفتي
هالشي اكيد مر على كل ام .. بس انا زوجي عنده يكون او لا يكون .. يعني اما كل شي كامل وعلى اصوله ولا بلاش منه
يعني لو مو انا اللي المح وأصرح وازعل لانه صار يعاملني بجفا اكثر .. كان ولا على باله ..

اوقات يمضي اليوم جميل وحلو
لمن لازم ينكد عليا قبل ينام
مرا راح بينام وكانت بنتي على رجولي .. جا باسها وقالب تصبحي على خير
انا زعلت صراحه ليش يبوسها بس هي .. قلت له وانت من أهله ومابينت زعلي
لما راح وقفل باب الغرفه .. انا نزلت دمعتي .. يعني ليش يعاملني كذا !
الا هو جاي .. قال ايش فيك قلت ولا شي .. قال اموت باللي يغارون وقام يضحك بصوت عالي وسلم عليا وراح..
يعني متعمد يسوي كذا
ايش السبب .. هاه مثابر هذي حركات انسان عاقل ؟!

يعني بعد السنه تستقر حياتي لؤلؤه ؟
انا اول مارجعت بيتي بعد الاربعين كنت ما اطلع معاه ولا مشوار
ماليا خلق أشيل نونو وأغراضها وزحمه
لكن الان والله مرتبه اغراض الخرجه والبسها من المغرب .. واي مشوار اطلع انا وبنتي معاه
وحتى المولات اخذها علشان تتعود ع الناس والطلعات وانا كمان بتعود انها تكون معايا بكل مكان ..

جد حياتي تلخبطت من كل النواحي بسبب بنتي
لكن كمان بهالزعله بنتي خففت عليا كثير


على فكره يا مثابر اتصل زوجي على امي امس بس ما ردت كانت نايمه

__________________