18-11-2015, 09:16 PM
|
المشاركة الأصلية كتبت بواسطة زين ابيها
من عيوني يا قلبي
جم حنونه احنا عندنا ؟ بس خمس 😁 لا امزح ... ما فيه غيرج ❤ المقادير : - كيك سرالي بالزبدة - دريم ويب - قشطة - حليب - 2 جبن كيري - جيلي بالفراولة او التوت - رمان اولا : تصفين كيك السرالي شرايح مو ضعيفة ولا عريضة وايد ، خليها قطع متوسطة و صفيها في البايركس وصبي عليها فقطططط فقطططط فقطططط قطرات حليب فقططط قطرااات لا تكثرين لان بتصير الطبقة كأنها شابورة ناسيتها في الحليب ثانيا : الطبقة الثانية يا عيني بتكون خليط كثيف من الدريم ويب والجبن كيري والحليب والقشطة هذي المكونات يتكون حسب حجم البايركس والكمية اللي بتسوينها انتي ذوقي طعمها من تشوفينه متجانس بيكون تمام.. وبالنسبة للسمك خليها كثيفة شوي عشان تجمد بعدين حطيها فوق طبقة السرالي وغطيها وحطيها في الفريزر ليوم ثاني... ثالثا: الطبقة الثالثة هي طبقة الجيلي.. طبعا لكل ظرف جيلي اتصور 3 ملات او ما اعرف شتسمونهم.. ملات جمع مله.. اللي تعرف تترجمها المهم لكل ظرف جيلي 3 ملات ماي هذا في الاحوال العادية لكن حق كيكة الرمان خلي لظرف الجيلي ملة ماي وحده فقططط عشان يصير كثيف وخليه يصير فاتر بدرجة حرارة الغرفة اذا استوى وفترت حرارته بعدها طلعي القالب من الثلاجة عشان لا تذوب الطبقة البيضاء وصبيه فوقه شوي شوي وبعدين انثري فوقه حبيبات الرمان ودخليه الثلاجة لوقت اللي يجمد الجيلي وبالهنا والشفا ملاحظة : اذا ما خليتي الطبقة الثانية في الفريزر مدة كاملة من تصبين عليها الجلي بتخترب وبتتحول لمشروع شوربة |
| مواقع النشر |
| الكلمات الدليلية |
| اكلات متنوعه .. مطبخ .. |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري