بالعكس افدتيني
هل خطة التوفير تبدأ بعد الحساب الدقيق و المقارنة بين الصرف في كل شهر
حتى نصل للمبلغ المحدد
ام بدأتموها فورا. وهل حصل خلل او حسابات خاطئة

__________________

نعم اختي بالنسبه لنا بدأنا بحسابات المصاريف والاحتياجات اللي في الشهر وثم طلع لنا المتبقي مبلغ التوفير
في البدايه ممكن يكون في اخطاء او خلل في الحسابات بس مافي مشكله تتعدل وهذا في البدايه لانه شي جديد

انتم توكلو على الله وابدأو في الراتب الجاي ولاتضيقين على نفسك اختي وخليها تجربه هالشهر
في البدايه اكتبي الاشياء الاساسيه واحتياجاتكم في الشهر وحاولي ماتتركين شي كل شي اكتبيه حتى مصاريف الويكند والترفيه اذا حابين حتى ماينقصكم شي ويكون كل شي بحسبه صح وبدون اسراف ومنها توفرون مبلغ بسيط للتوفير

اذا ظبطت معك الميزانيه من الشهر الاول الحمدلله استمرو والزايد يروح للتوفير

اما اذا نقصكم شي وماحسبتيها صح ( مثلا لاحظتي ان اغراض المطبخ خلصت بأقل من شهر ) هنا تعيدين حساباتك وتسحبين من التوفير بقدر النقص عشان تعرفين المبلغ المضبوط اللي راح تعتمدينه ان شاء الله لاغراض شهر كامل ( وبالنسبه للمقاضي لو تشترين من الجمله اوفر لك بعد )

وبإذن الله من الشهر الاول راح يتبين لكم كم المصاريف الاساسيه والاحتياجات الشهريه وبكذا تقدرون ترتبون اموركم وميزانيتكم

ولاتنسون مبلغ للطوارئ وهذا يكون لشيء طرأ عليكم وهو غير مكرر كل شهر مثلا اغراض معينه او اي شي احتجتوه .. حتى ماتسحبون من التوفير ( واذا ما احتجتو المبلغ خلال شهر يروح للتوفير وتبدأون في ميزانية راتب الشهر الثاني وهكذا )

واوصيكم بالصدقه حتى يبارك الله بمالكم

واي سؤال انا حاظره وفقكم الله