بالنسبة الي ما عندي اي مشكلة حدا يدخلها ان كان قريب او غريب
وان كان لغرض الصلاة او لتعديل مظهره او يشوف صور او ياخد فكرة عنها
وانا كتير عادي اني ادخل غرف نوم معارفي واقربائي
بس عندي خط احمر نام بسرير متزوجين او حدا ينام بسريري المشترك مع زوجي ولو كان من اهلي
لانو المشكلة عندي مش بالملابس او العطور ولا بالديكور والترتيب
بل بالسرير ذاته لخصوصية العلاقة بين الزوجين والصغير والكبير بيعرف شو بصير على هيدا السرير ومتل ما قالت الخالة بيتا بترجع للخيال
لانو اللي رح يفوت لخمس دقائق او ساعة مش متل اللي نايم الليل كله على السرير
اللي لخصت كل شي بيخصه العزيزة زين
فمن هيدا المنطلق بعتبرها خاصة ان كان بدو شخص ينام فيها
اما اذا في حالات استثنائية وبيضطروا يناموا عالسرير
الافضل اني اشتري سرير لشخص وبحطه بمكان تاني وبكون امنت مكان مناسب للضيف وبنفس الوقت اعطيته الشعور بالراحة من دون ما يحس بالاحراج
لانو بعتقد اي شخص رح اعرض عليه ينام بغرفة نومي ولو ما حكى رح يشعر انه مش مرتاح والمكان مش مكانه
مشكورة حبي مهرة عالموضوع الحلو متلك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

طيب وسراير الفنادق شو وضعها يا ميموميا؟

ننام عليها مع إن كثيرين اللي ينامون عليها .. وياما يسوون!

__________________


اللهم طِيبَ الأثر .. وحُسْنَ الرحيل.

بس ما نعرفهم
😳
ولا هي غرفتهم الخاصة الدائمة

__________________

طيب.

باحاول أستوعب الفرق.

__________________


اللهم طِيبَ الأثر .. وحُسْنَ الرحيل.

نفس جواب العزيزة مسز داني
لانو بالفعل ما بنعرف الاشخاص ولا مستقرين بالمكان وبنام بالفنادق او الشقق المفروشة لانو مضطرين ما في مكان غيره وبشكل مؤقت
اما في البيت اذا ما كان في غرفة للضيوف
في الف بديل وبديل والقصة مش معقدة او صعبة بنجيب سرير مريح للضيف ان كان من الاهل او الاصحاب
وحسب معرفتي باشخاص ما بيرتاحوا يناموا ببيوت غير بيوتهن فكيف بغرف نومهن
فوجهة نظري ليكون الكل مرتاح وللضيف خصوصا انو نعطيه خصوصية ما بتخصنا النا

وفي وحدة معرفة شخصية اجاها ضيوف زوج وزوجة فنيمتهن بغرفة الاولاد ونقلت الاولاد على غرفتها ونيمتهن عالارض
وانا اول ما اتزوجت بايطاليا بفندق بعدين رحنا ليلة لعند خال زوجي ونيمونا بغرفة نومهن وانحرجنا نرفض لانو غرفة نوم ابنهن كانت صغيرة بشكل وفيها سرير صغير لطفل
والصالون مفتوح ما الو باب يتسكر وبالفعل انا وزوجي ما ارتحنا ابدا فيها
وبعتقد ما حدا نام فيها غيرنا لاتو كل ما تزور خالة زوجي اخوها بايطاليا كانت تنام بالصالون

وممكن هالشي بيختلف من شخص لشخص

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه