المشاركة الأصلية كتبت بواسطة سآمحيني ي آنا..

السلام عليكم ورحمة الله وبركاته
انا سبق وكتبت مشكلتي مع زوجي وهيا التفرقه
في التعامل مع الاولاد والبنت جلسنا فتره طويله
الحمد لله بدون مشاكل وكل شي ماشي زي العسل
الا امس كنا جالسين على الاكل وفجأه تهاوشو الولد الصغير والبنت وقام ابوه وشده من شعره بكل قوته وسحب يده وعضه انا هنا جن جنوني كيف كذا يتصرف ومايعدل كلهم الاثنين مدو يدهم على بعض المفروض ينضربون سوا
اخذت الولد وهو ميت بكا وقمنامن على السفره ودخلنا غرفه ثانيه بعدين ناداه ابوه عشان يكمل اكل انا قلتله مالك حق تسوي كذا والمفروض تضربهم الاثنين ومن ذا الكلام وهو ولا كنه يسمعني
المهم انه بعدين قلي اولادي وحر فيهم لو اش اسوي ماتتدخلين وانا قاعد اربيهم قلت من قال ان الضرب للاولاد والبنت
ماحد يلمس منها شعره هذي التربيه فنظرك بعدها قلي مالي كلام معاك ولاعاد تحلمين اخرجك من البيت لاعد تكلميني
ومن امس وهو مايكلمني واليوم بعد الدوام بس غير ملابسه و طلع على طول مدري وين دقيت عليه اكثر من
مره ومارد ادري ماتفرق معاه لو اجلس لليل كيف اتصرف والله تعبت معاه

(تم تعديل العنوان ليتناسب مع الموضوع)