اخوي غير متوقع واختي نايمة في العسل شكرا على ردودكم الكريمة وعلى تعاطفكم مع مشكلتي وانا ديما اردد بيني وبين نفسي (اصبر فما صبرك الا بالله) الله لايحطكم في مثل موقفي يارب ياكريم
الصراحة انه ما يخاف من احد لأني كلمت اخوانه وكلمت امه اللي هي خالتي وزعلت منه لدرجة انها هددته انها تتبرا منه بس بدون فايدة ما يحسب حساب لاحد
وانا مثل ماقلت ما عندي حد يوقفه عند حده اخواني كلهم اصغار وما عندي لاعم ولا خال
اما بالنسبة للشرب فهو يشرب من قبل الزواج هذا طبعا عرفته متأخر وانه انسجن في قضية وبعدها تاب (هذا الكلام عرفته بعد الزواج لأنه كان في بلد ثاني(هو عماني وأنا من الامارات))
والله يسامح امي خبت علي علشان ما ارفض الزواج كان قصدها تسترني ما كانت تدري انه راح يبهدلني بهذي الطريقة
كما انه حلف على المصحف لامي بانه قد ترك الخمر بس ما ادري شو اللي صار بعدها
انا فكرت بعد انه يمكن يكون مريض نفسي وحاولت اني اعرضه على طبيب نفسي بس رفض وقال لي بالحرف الواحد انا مب مريض ولما ابغي اوقف بوقف بكيفي