ههههه
شر البيله ما يضحك ..
اذا تقدري تنصيحها جيد جدا .. لكن تاكدي انه قد تجدين رده فعل منها .
اذا لم تقدري....و اضعف الايمان ..انك لست راضيه عن كذا وضع ..

ولا تنسي الستر زييييييييين

خلج في حالج يا بنية.

__________________


اللهم طِيبَ الأثر .. وحُسْنَ الرحيل.

والله في حالي يا مهره

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

نتكلم بصراحة يا حظي وما تزعلين؟ <---—-- أكيد ما بتزعلين.


أكثر شي مزعج في السالفة إنج سألتيها هي تكلم منو؟!!

من صدقج يا حظي؟!!!!

يعني لو كنتي قديمة في المكان وعلاقتكم قوية حبتين .. بنقول إنج تمونين.

لكنج موظفة يديدة بعدها ما عرفت خيرج من شرج .. شفتيها تتكلم في التلفون .. وتسألينها مع منو تتكلمين؟!!! .... ويح قلبي والله.


تدرين عاد أنا شو خطر على بالي؟

إنها ما كانت تكلم مديرها ولا شي .. بس قالت لج جذي من باب الاستهبال رداً على سؤالج الفضولي.

__________________


اللهم طِيبَ الأثر .. وحُسْنَ الرحيل.

لااااااا يا مهره متاكده ما قالت كذا ردا على سؤالي الفضولي

هو فعلا مديرها
لاني كنت عندها من نص المكالمه
وكانت تشتكي له من بعض مشاكل العمل مع زميلاتها

وانا قلت اني سالتها بطريقه عفويه لكن حتى اختصر عليكم واجيب الزبده
والا انا ما سالتها على طول اول ما قفلت الخط لا
سولفنا وبدات تتكلم عن مشاكلها مع زميلاتها وهذي فعلت وهذي قالت
وانها كلمت مديرها عنهم<<..." هنا " جت نقطة تاكدي من كانت تكلم 😆
قلت اللي كلمتيه الحين قالت ايوه هو

هاه اش رايك لسا جوابها رد على فضولي

ثم يا مهره يا عزيزتي
ما فيه وحده عاقله تجيب الشبهه والكلام لنفسها علشان ترد على ملقوفه زيي
بتقولين من باب اولى ما بتاكد لك انه مديرها حتى ما تجيب الشبهه

بقلك انا اتوقع تحسبني ما سمعت الكلمه
لان صوتها كان واااطي لكني سمعتها

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

طيب خلاص .. إنتي مب فضولية.



على طاري العقل .. زمان أيام دوامي كانت معاي زميلة في نفس المكتب.

بحكم زمالتنا ووجودنا في نفس المكتب .. وبحكم إنها شافتني openminded .. فكانت تعمل بعض الأمور جدامي .. وأنا كنت أعرف إنها تعرف واحد وهي اللي قالت لي بنفسها.

وطبعاً باقي الزملاء كانت لهم بعض الملاحظات عليها .. وأذكر مرة واحد منهم قال لها كلام بما معناه: مب زين اللي إنتي تسوينه!

ردت عليه بكل برود: وأنت شو معوّرك؟

ومشت ولا كأنها سمعت شي.

إذاً مب كل الناس مثل بعض .. ولا كل الناس تتعامل مع أخطاءها ـ إن كانت تخطئ ـ بنفس المنطق أو الطريقة.

في ناس يهمها شكلها جدام الغير وتحرص على التخشش .. وفي ناس عادي ما يهمها حد.

هذا إن كانت بالفعل زميلتج تسوي شي غلط.

لأن لو في بينها وبينه شي فما حبكت تكلمه وتشتكي له خلال وقت الدوام .. عندها اليوم بطوله تشتكي وتفضفض .. على الأقل تطلع منه بكلمتين حلوين يطيبون خاطرها.

__________________


اللهم طِيبَ الأثر .. وحُسْنَ الرحيل.

اشوا المهم ماني فضوليه

لكن ممكن تفسيرك صح لاني جديده ما تعرفني زين ف تحسبني زيها
وان هذي الاشياء فري عندي زيها
الحمد لله والله يثبتنا

اما انها ما تسوي شي غلط ف غلط اكلم رجل غريب عني واقوله حبيبي !
غلط وستين غلط بل حرام

وحكاية حبكة وما حبكة
مو شرط يمكن بعد الدوام حديث اخر اكثر هدوء ورومنسية وطبطبه😆
والاتصال هذا جا اضطراري لمشكلة في حينها.. الله اعلم والله يهدينا ويهديها


شكرا مهورتي🌹

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

على فكره ما اتوقع انه زوجها
لاني لما تعرفت عليها قالت انها مطلقه
وسمعتها مره تسال عنه هل جا اليوم ولا لا
يعني لو زوجته كان عرفت جا ولا لا من غير ما تسال قسم الرجال

مدري حتى مديرها لما شفته ما ارتحت له
ولعلمكم من كثراحسان ظني بالناس
جا ببالي انها مجرد تباسط بالكلام ولم تتعدى العلاقة هذا


الستر اكيد
ولا فتحت فمي بكلمه الا لكم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )