شكرا لكم على مشاركاتكم جميعا

انا مانسيت اني في نعمة ودايم احمد ربي عليها وعلى زوجي واقول لك انك مو مقصر معاي في المادة ابدا..

زوجي اكبر مني بحوالي 8 سنوات ودخل في الثلاثين وانا لسى في العشرين

زوجي يعمل بدوام شفتات مرة يداوم صباح ويرجع مساء ومرة مساء ويرجع صباح يداوم يومين او ثلاثة وبعدها اوف يومين او ثلاثة ومدة الدوام في ايام الدوام 12 ساعة وينام 12 ساعة ثانية

يرجع من دوامه تعبان ومجهد اجهز له كل شي قبل يجي وما اطالبه بشي

اليومين اللي بعدها لما يكون اوف يطلع يسوي اي شغلة ولو مافي شغلة يجيب شغلة ويرجع لي برضو مجهد وتعبان يجلس ع التيفي والجوال حتى سوالف مايسولف واذا سولفت مايعلق ولا يتفاعل واذا تفاعل يقول كلمتين وبصراحة نفسيتي تتعب من هالاسلوب..

اسأله دايم انا مقصرة في شي يقول لا
اقول انت تحبني يقول ايه
اقول تشتاقلي يقول ايه بس مشغول

طيب مشغول ما قلت شي بس برضو في زحمة الأشغال ذي لي حق برضو

اتمنى احس بهذا الحب احتاج انه يلمسني ويضمني يقول كلمة حلوة احتاجها بجد مو مبالغة وتهمني اكثر من العلاقة نفسها

ولا مرة حسسني اني مرغوبة بالنسبة له دايم انا المبادرة انا اللي اجهز واسوي وازين واضبط ويدخل وانا متوقعة منه ع الاقل ضمه صح انه يعجبه الجو ويشكرني عليه بس مافي تفاعل بالعكس يجلس لين بجيه النوم ويروح ينام ويخليني

انا مليانه حب وحيوية ونشاط بروده معاي بيقتل كل شي فيني ويجرحني كثير

وفوق البرود في التعامل معاي ماتتم العلاقة الا 3 مرات في الشهر .. واغلبها يخلص ويخليني مع نفسي لين انام

ولما قلت له انك تخلص وانا لا قلل العلاقة اكثر يقول مايعجبك !!

ما اظلمه هو يطلعني يمشيني ويعشيني وكذا يمكن هذي طريقته في اظهار الحب.. بس انا احتاج زوج وعاطفة ومشاعر

انا احبه وادايم ادور رضاه وحاطته اول شي في حياتي وهو يشوف ان الاشغال اهم وانا لاحق علي وين بروح يعني

انا لما كتبت 6 ايام مايصير شي ما قصدت انه مرة في الاسبوع

انا ما اعتبر ايام شغله ايام انا احسب الايام اللي يكون فيها اوف بس والباقي مو لي لدوامه واشغاله

كلكم عارفين ان المرأة يجيها عذر اسبوع في الشهر .. انتهى الاسبوع او ما انتهى زي بعضه ولا يدري لازم انا ابادر او بيكمل لاخر الشهر

اعتذر عن الاطالة واتمنى تكونو فهمتوا قصدي

شكرا لكم مرة ثانية

__________________