السلام عليكم ....
هانديا...شكرا لردك عليا بس كنت عاوزة اقولك حاجه انا ما كنتش بعيد عليكم بمناسبه الاعياد انا كنت بتمنلكم سنه جديدة وسعيدة لان مرت علينا سنه جديدة وفى بدايتها الكل بيتمنى وبيدعى لربنا انها تكون سعيدة عليه وخصوصا اننا فى مصر ماشينى بالتقويم الميلادى وكمان فى البلاد الاى انا فيها دلوقتى مع زوجى " الامارت " برضة بالتقويم الميلادى وعلشان كدة اتمنيت لكل الاعضاء سنه سعيدة ... شكرا ليك جدا لانك اهتمتى وصلحتى خطئ.
بالنسبه للكريمات انا السه ما شتريتش حاجه ان شاء الله لسه حاشترى بس انا كنت عاوزةاعرف قبل ما اشترى
بس الكريمات اليل والنهار انا كنت بعتقد انا لحمايه البشرة من التجعيد مش بس للترطيب وكنت مرة سمعت من اخصائيه تجميل ان المفروض البنت تستخدم الكريمات دى من سن 16 سنه "وانا عندى دلوقتى 25سنه "علشان لما تكبر بشرتها مايكونش فيها تجعيد
حاجه كمان لو ممكن ترشحيلى مركه تانية غير جونسون لانى بحاول اقاطع المنتجات الصهيونييه والامريكيه يعنى اضعف الايمان زى ما بيقولوا
بالنسبه لحمام البخار انا عملته فعلا اكتر من مرة وخصوصا قبل فرحى بس البخار بيفتح مسام البشرة وانا فعلا لاحظت كدة علشان كدة انا بخاف منه
طولت عليك انااسفه..... بس حقيقى متشكرة جدا جدا على ردك عليا
05-01-2005, 10:38 AM
ضوابط المشاركة
العرض الشجري