اهل طليقتي بعد انتهاء العدة طلبوا الحضور وجمع اغراضها وانا رفضت وبلغتهم اني بجمع كل اغراضها واجهزها لهم واذا فيه شي ناقص يكلمني ابوها

بعض الاغراض للمطبخ اكيد صواني غالية واكواب ؟ بناخذينها هذي فيها استنقاص لقدرك وبتصيرين علكة في لسانه ولسان اهله حتى الاكواب والصواني جات تاخذهم
انا اقولك هالكلام لاننا نقدنا على طليقتي لما اخذت الصواني مع انها بكراتينها مااستخدمت ولا مرة ولا تهمني لكن حركة كانت جدا سخيفة واهلي تضايقوا وانا تضايقت لكن الزمتهم الصمت لانه حقها وهي من اشتراها ولم ارضى انهم يتكلمون عليها

لو ما أخذتها إنت راح تستخدمها أو بترميها أو بتعطيها أهلك؟؟

راح تبقى مثل ماهي بالادراج ولا راح تطلع لا اهلي ناقصين صواني ولا بيتي ناقص صواني
وانا شاري صواني ومعجبتني شكل جميل وخفيفة
اما صواني وزنها 3 طن
اتمصع لما يجيني ضيف علشان الصينية كشخه لا والله ماني بحاجتها
وهي اصرت الا تشتريها

دام انها مب عاجبتك ومابتستخدمها ولا تستفيد منها زعلان ليش عشان هي اخذتها ؟
شي من فلوسها ومن حلالها تاخذه لو بريال كيفها شي ملكها ومن حقها..
ماله داعي الاستنقاص ..

بحاول ارد عليك ويمكن تفهمين هالشعور خصوصا لما تكون قدمت بدون حساب وبالاخر الطرف الثاني يحاسبك على قولتك لو بريال هنا الزعل

الصواني مجهزتها ام العيال ونست تاخذهم فعرفنا انها تبيها
وانا كرد فعل جمعت كل شي لها هي شافت انه مو بحاجته او ماتبيه سواء انا شريته لها او هي اشترته

اللي يضايق بالموضوع ان اغلب هالاغراض اشترتها الزوجه من حر مالها
ثم تطلب منك فلوس وتقول انا جبت اغراض للبيت ومابقي معي شي من راتبي
تعطيها فلوس اكثر من اللي دفعته اصلا
ثم تضف اغراضها وتقول انا اشتريت هالاغراض
هنا وش السالفة
عاد هذا اللي يصير معي نقدت على مطالبتها بهذه الاغراض
وبنفس الوقت فيه امور اتقبلها وبالعكس كلنا اجمعنا انه حقها
مثل رسوم استقدام الخادمة هي كانت دافعتها وانا ادفع الرواتب
بعد الطلاق اعطيتهم حق الاستقدام 15 الف ومبلغ يعتبر عالي ولها حق
وماحد قال شي بالعكس الكل قال اعطيها حقها بسرعه اليوم قبل بكرة

مثلا لو الرجال شاري شناط السفر والزوجة تطلقت هل من المعقول يقولها شيلي اغراضك بأكياس انا شاري الشناط من حر مالي ؟ ماحد بينتقد هالشخص والزوجة واهلها ماراح يستنقصونه
هل بتقولين يااخت مريم هذا حقه ولو دفع ريال ؟
اكيد لا

ليش استنقاص ؟ وليش انتقدتوها ؟ شي من حقها وما اعتقد فيها شي ؟؟؟ اشوف انه يعتبر غرض من اغراضها

بكيفك انا قلت لك نظرة الناس يعني بعد الطلاق المشاعر تكون مجروحه والنفسية متعبة وفلانه كل تفكيرها لا انسى صحن او صينية انتي شريتيها لبيتك تروحين تاخذينها مو حلوة
نفس الشي لما زوجك يجيب لك هدايا دون ماتطلبين وبعد الطلاق يقول رجعي الجوال والاسوارة والعقد اللي شريته لك تقولين هذي هدايا شخصية وهذي اغراض مطبخ مو اغراض شخصية له
بكل الحالات نفس الشي عزي نفسك موب ناقص منك شي لو تركتيها كل ماتشوفينها بتتذكرينه
بالنهاية القرار قرارك بتاخذينها خذيها بس حبيت اوضح لك نظرة الناس وانسي حق من حقوقي وانا شاريتها بفلوسي يعني هو كل شي جابه لك ببلاش ؟