انا بختار التاني اكيد وخاصة الحنون واللي ما عنده مادة
لانو الحنون مستحيل يكون بخيل ان كان عنده شي رح يقدمه من دون تردد

وعن تجربة عشت مع حنون ومرت سنوات ما في مادة وكنت جمع القرش عالقرش واصعب كمان
بس كنت سعيدة وبنفس الوقت كان في معاناة بس مش لدرجة تخليني تعيسة
واجا اليوم اللي ربي اكرمنا فيه ورزقنا من خيراته وهالحنون اللي ما كان عندو شي كتبلي كل شي صار عندو
ولهلئ بفرح بأبسط الامور
جربت الاشيا الغالية كالشنط والملابس والمجوهرات واكلت بمطاعم راقية وما عنتلي شي او كانت السبب بزيادة نسبة السعادة
والاشيا العادية كمان وهيدي مش مبالغة
ما حسيت انو المادة هيي مصدر السعادة
وسمعت كتير عايشين بقصور وخدم وحشم وبيوصفوا حياتهن بانها بلا طعم لانو ناقصهن العاطفة
وقصورهن عبارة عن جدران باردة
وبالنهاية بترجع لقناعة كل شخص وقدرته عالاستمرار
ومتل ما قالت الخالة بيتا عندي المشوار عالشط او اكل سندويش او آيس كريم مع شخص يحسسني اني كل شي بالنسبة الو بعتبر كأني ملكت الدنيا وما فيها

انا بطبعي بلاقي سعادتي بالبساطة
بحب البساطة بكل شي

شكرا عزيزتي عالطرح 🌷🌷🌷🌷

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه