طلبت الطلاق مستجدات الرد (1139) - منتدى عالم الأسرة والمجتمع

المتزوجين مواضيع تهم المتزوجين من الرجال والنساء.

20-01-2016, 10:24 AM

#10

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: طلبت الطلاق

اقتباس:

المشاركة الأصلية كتبت بواسطة Peki

العفو .

مهرة .. شو ردة فعله على طلبك الطلاق ؟
وشو ردة فعل أمك ؟

إجازته كانت المفروض تبدأ من ثلاث أيام .. لكنه ما رجع البيت ولا أعرف عنه شي.

أمي في الحقيقة انصدمت .. لأني بالعادة ما أشتكي من شي .. ولأننا ظاهرياً ما فينا شي يوحي بوجود مشكلة.

ويمكن اعتقدت إني تكيفت وتأقلمت.

حاولت تثنيني .. وكلمتني ـ مثل المرة الماضية ـ عن التجاهل (وما عليج منه يسوي اللي يبغيه .. المهم إنتي وعيالج)

لكني وضحت لها إنه طول ما هو جدامي .. وطول ما أنا أشوف التفاصيل اللي تأذيني ما راح أقدر أتجاهل .. وما ينفع أشوف شي يجرحني وأعمل نفسي مب منتبهة والا ما انجرحت.

قلت لها: أنا ما أنفع أكون زوجة لريال عنده حريم.

أنا تزوجته لأني حبيته .. ولأني كنت أعتقد إنه يحبني .. مب عشان أي شي ثاني .... وما دام هالحب راح وهو يحس إنه يبا يعطيه لحد غيري .. فاللهم لا اعتراض .. لكني ما أقدر أستمر في حياة بهالشكل.

بكيت جدامها وقامت حضنتني ومسحت دموعي .. وقالت: الله يعلم إنج أعز من بناتي .. ولا أرضى عليج .. ومادام تحسين إنج بتكونين مرتاحة بهالقرار فما أقدر أمنعج .. ووعد طول ما أنا عايشة محد يأذيج ولا يهينج.

ووعدتني تكلمه أول ما يرجع البيت.

مع إنها لمّحت إنها ما بتقدر تجبره إذا هو رفض الطلاق!

__________________

اللهم طِيبَ الأثر .. وحُسْنَ الرحيل.

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:44 AM.

روابط سريعه