والله يا مهرة ما اشوف حل للوضع غير تقبل الواقع وان كان مر . و تاخذين حقج .

لو كنتي متقبلة الوضع .. جان خليتيه يقسم الوقت يوم بيوم .. انتي بستتفيدين انه مخج بيرتاح و بتعرفين متى بيكون عندج .. بدل ما تمين تفكرين بيي عالغدا والا لا ...الخ

الشي الثاني .. هو بيتحمل مسؤولية قراره كامل .. و بيعرف شو يعني فتح بيت ثاني ومراعاة زوجتين . و بينعدم تواصله معاها في وقتج لانه خلاص عاش معاها و راح الحماس .
ولانه انتي لو تريدين تعيشين تبعات الوضع اللي فرضه زوجج .. لازم تشترطين و بالفم المليان انه ما يتواصل معاها بيومج .

بدل الانفصال العاطفي .. و بدل الطلاق .. هذا بيكون حل وسط .
و بنفس الوقت عيشي حياة خاصة اشتغلي وتعرفي على صديقات . استقوي يابنت وخذي حقج فالحياة .
انا معاج انه محاصرنج و يباج له ولعياله بس ..

فكي القيد وانطلقي ساعتها نفسيتج بترتاح