المشاركة الأصلية كتبت بواسطة مَلكـة ذاتِـي (لـ نطمئن)

مهرة ماهو ذنب زوجك إذا إنتِ إنسانه متحفظة
زوجك ماهو عالم للخفايا حتى يكتشف قلبك ويكتشف ماتعانينه (إذا أنتِ غالبك صامت وفوقها عزة وكرامة)

اجزم لو زوجك قرأ الترسبات إللي هنا بتجيه تعجب كبيرة فوق رأسه (أنا كل ذه مسويه؟)

تعرفين إيش مشكلتك يا مهرة
أنتِ مشكلتك افكارك ومبادئك وارائك كلها مخليتها ثابتة حتى مع تغير ظروفك

كثير اجوبة هنا منك استنكرتها وفي ظروفك حالياً ابداً ماتصلح ولا تناسب ولا هي بحل اصلاً.


ليش مهرة لا
اهو زوجك سكير! يده طويلة ، لسانه قذر !!
شي يستحق الانفصال؟
طبيعي بقاء الزوجين ارحم من الانفصال ع الاقل البقاء فيه أمل وبوادر للإصلاح مو مثل الانفصال.

مايحتاج اقول ردة فعلي من بداية سقوط نظري لاسمك بعد العنوان ومن دخولي وقرأتي للموضوع لا ألوم مشاعرك وردات فعلك وكل حاجة بس مشاعرك ماهي منطقية ابداً.

كذلك مو شرط إن كانك مرتبطة تلزمين نفسك بمسؤوليات ولا وقع الطلاق تكونين مرتاحة لأنك ماراح تشيلين همها.


ايش مسؤوليتك المقصودة هنا؟


مدري ليه حاسه زوجك دور لعاطفة_ إنتِ كيف علاقتك معه؟ وهل كان فيه تصارح بينكم وقرب قبل يتزوج؟ وحبكم موجود كسابقة زواجكم؟ ألاحظ كل شي مايستدعي تصرحينه وتوضحينه ومن المفترض هو يعرف من تلقاء نفسه! تفكيرك مو شرط يشبه تفكيره والمنطقية إللي عندك مو شرط توافق منطقيته الشخصيات تختلف.

كنت اقول في نفسي مايمكن احد مايتحمل زواج ثاني ومايتأقلم وبينهم حب وعلاقة قوية؟ لقيتك أنتِ. بس شيء واحد تعرفينه؟ مستحيل اطلع من المعادلة بخسارة اكويه مثل ماكواني اوريه الويل واعيشه بنار وبعدها اسحب نفسي.

أنتِ عزتك وكرامتك مسويه لك بلاوي فكيها عنك وشوفي الحياة بنظرة ثانية.

الله يجبر بخاطرك ويرضي قلبك على زوجك ويرضيك بإللي تحبينه وتتمنينه ويارب ترجع علاقتكم مثل أول واحلى واحلى وتكون مهرة مرتاحة وهانئة يارب العالمين.