أنا ماشبع من حديث الصداقات والعلاقات أحبها كثير وأحب الذكاء فيها ..

أنا تقريباً تقولين عني دقيقة وأحب احط كل شيء في مكانه المستحق ..

ف تشوفي بين كل فترة وفترة افبرك جدولة علاقاتي واصنف العلاقات إلى درجات ولا بعد احط رموز في الأسماء😸 - المهمين اللي مستحيل اتغير عليهم حاطه لهم دائرة زرقاء في الجوال 🔵😹. (إللي حظى فيها أهلي وصديقتي بس)

و مع نفسي أقول هذي قوة العلاقة بيني وبينها سطحية مثلاً ، وعلاقتنا مايحتاج سؤال دايم إن بغيتِ تسألين اسألي ، وإن ماسألت هي عادي ، ماتدخلينها في خصوصياتك ، بينك وبينها سوالف عادية ههههه عاد قيسي مع الكل كيذا.

فـ أكون مريحة رأسي للآخر فأعرف من القريب من المقرب من السطحي من الغريب المفترض مايتقرب مني.

ووالله مررررتاحة لأبعد حد اعرف إللي لي وإللي علي واعرف من اعاتب ومن ما اعاتب واعرف اللي لي حق عنده واللي مامُفترض لي حق عنده واعرف من اللي يستحق يعاتب ومن اللي مفترض مايعاتب واعرف ارد ع اللي يعاتبني.

مرات يزعلون إذا قالوا لي ما تسألين، أقول: (والله هذا الحياة) مستحيل اقول مشغولة وسبب مو حقيقي ، وحدة زعلت قالت: قولي مشغولة ، ايش ذا الرد! ، قلت لا والله الحقيقة مو كيذا ، لو إنتِ جاوبتيني إنك مشغولة بقولك الحياة أولويات لا بغيتِ تسألين سألتِ.

فـ لو تلاقين لك صديقة وحدة فيها الصفات إللي تحترمينها وتعتزين فيها راح تغنيك عن كل العلاقات صدق.

أهم شيء الراحة في العلاقة وتؤمنين بأن هذي الصديقة تبي لك الخير في كل شيء ولا تقارن نفسها فيك أو تقدم مصلحتها على مصلحتك.

الحمدلله أنا صديقتي تكفيني فيها لقيت كل شيء أأمن نفسي معها ارتاح لها كثير لو تبقى لي هي بس وفت ربي يحفظها ويخليها لي.

وعلاقاتي محدودة تقريباً ، في علاقات بس مو مقربة جداً.

أنا إذا كنت مروقه ودي اوسع دائرة معارفي لأبعد الحدود ، وإذا مقفلة اقول أنا قايلة أكون مع نفسي واقطع العالم احسن 😹💔

انا ماحب ادخل دوشة الصداقات وتكثر المشاكل فأكون حذرة من البداية شيء اشوفه بيزعجني على طول ابتعد لأني اعرفني صعبة شيء مايعجبني صعب اتقبل. وقبل لا نتعمق ابتعد. لأنه صعب اترك علاقات بالساهل احاول اصلح من باب اوفي حتى لو الباب مكسور !


» من فترة كاتبه الرد ومتعيجزة انزله ههههه.
كله اقول لا دخلت من اللاب ، وألحين نزلته بلا لاب.
التطبيق العملي : )



هؤلاء المهمين يخليهم لي ربي ❤



هذي العلامة تعني شخص مهم احافظ عليه
حتى لو التواصل قليل - من الأوفياء إللي صادفتهم بحياتي ❤



هذي العلامة تعني الحذر من هؤلاء الأشخاص - ويمنع منعاً باتاً أن ترجع العلاقة وطيدة فقط سطحية - لـ قرصي منهم سابقاً وظهور اللؤم اثناء أو بعد الخلاف من سب أو اتهام.

__________________

موضوع جميل زي صحبتو
قال بعض السلف أعجز الناس من قصر في طلب الاخوان وأعجز منه من ضيع من ظفر به منهم.
اكتب وامسح ماعرفت أنسق الكلام لكن في النهايه الله يرزقك بالصحبه الطيبه الجميلة سبحان الله النفوس تتغير والمشاكل كثيره واهم حاجه بالصحبه حتى لو سابتك تحفظ اللي بينكم وتذكرك بالخير دائماً .

__________________
أفضل طريقة للالتزام بالوعد هي ألا تعد بشيء
اللهم صل على نبينا محمد

حتى أنا موضوع الصداقة كان يؤرقني اتذكر كان عندي كثير صداقات وأول وحدة اتغيرت علي وقطعتني زعلت مرة وكنت اتسائل ليش ؟ بس بعدها كنت أقرأ مواضيع وعرفت ان هذا شيء طبيعي وان كل ماتقدم بك العمر كل ماراح تخسر ناس كانوا قريبين منك وهذا من علامات النضج ..في تشبيه حلو ايضاً قرأته ان الأنسان اول مايولد يكون مثل الشجرة الخضراء مًحاطه بالأهل والأصدقاء والأصحاب وكل ماكبرنا تتساقط الأوراق ويقلوا الناس اللي حوالينا الى ان نتوفى ويبقى الله فقط معنا ..حالياً معي صديقتي من الطفوله ايام المتوسط الله لايغير علينا يارب ..بالإضافة الى اخواتي وامي ..

موضوع حيوي كلنا نحتاج صحبة في دروب الحياة..
وقليل ما تصمد تلك الصحبة لوقت طويل ..
وطالما لديك حاجة في التواصل ,,واخذ وعطاء بينكم ..
أقترح عليك ..
هو ان تبذلي من وقتك او من مالك الى مراكز معينة
كـتطوع في مراكز مثل رعاية الايتام والمسنين مراز خاصة للمعاقين او مرضى القلب او الفشل الكلوي
لان من يقطن تلك المراكز يحتاجون دعم مالي و دعم كبيييير معنوي و زيارات ..

ربما يقل احتياجك لصحبة من الصديقات لانك أنت في مركز العطاء والبذل ..
والكل سيتسابق للحصول على معرفتك ..

انت محتاجه للعطاء أكثر من الاخذ ..
كوني ذات يد بيضاء ..معطاءة ..لمن يحتاج لك ..

كثير ماكنت اسمع ان الذي يعطي ويبذل لمن احتاج اليه ..لا يشعر بالوحدة او الهم ..



هو اقتراح ولك القرار الأخير ..في التنفيذ ..

__________________






استودعتك الله من كل شر ومن كل حاسد وعدو ..