رد: متى بيمر من جنبي ومايهتز داخلي شعرة ..فضض
بيخف ألمك مع الأيام ان شاء الله..
كم نقطة حابة أنبهك عليها:
1. لا تجيبي سيرتها أبدا أبدا لا خير ولا في شر.. !
واطلبي من زوجك نفس الشي كمان.
لا تسألي عن أشياء ما تعنيك طنشي وطنشي وطنشي
في البداية حيكون جهاد نفس ومتعب،
بس سبحان الله مع تدرب النفس، حتصيري تلقائيا ما عاد يهمك
حتى لو أحد جاء يبغى يقول لك شي عن نفس الموضوع، بيصير ما لك نفس تعرفي ولا تسمعي
وهذه بداية الراحة لك !
2. حاولي لما تكوني معاه تطردي الأفكار اللي تجيك..
ببساطة ، خذي منه اللي تحتاجيه واشبعي أنوثتك، واعتبريه نعمة وإضافة تساعدك في حياتك وفي شؤونك
3. أي تصرفات تضايقك منه نبهيه من البداية عليها وبالصريح عدديها واطلبي منه يحترم رغبتك.
4. اذا طلع من بيتك لاتفكري وين راح وايش يسوي، ألهي نفسك في بيتك ، اولادك ،معارفك، كتبك.. مارسي نشاطاتك وابسطي نفسك على الآخر بكل الطرق المشروعة..
لو طبقتي اللي قلت لك عليه، بحول الله حتشوفي زوجك يدور في فلكك وبتنعكس الآية !
وعشان تجتازي هذه المحنة بأقل الخسائر:
عليك بكظم الغيظ، والتغافل والترضي بأقدار الله !
عددي نعمك، وليس متاعبك..! وستكونين بخير
وقبل كل شيء، ادعي الله ييصبرك ويؤنسك بقربه ويغنيك عن من سواه !
25-01-2016, 03:04 PM
ضوابط المشاركة
العرض الشجري