صحيح حبيبتي مهرة لازم دايما الوسطية بكل شي
ان أضهرنا الخلاف الدائم امام الاولاد وانعدام المودة رح يأثر فيهن وتظهر السلبية على الاولاد
وان ما عاشوا او شافوا شي من المشاكل الزوجية او بعص الصدامات رح ينصدموا بالواقع بس يعيشوه وما رح يعرفوا يتصرفوا باثناء المشكلة

تقريبا زوجك نفس الزوجي بمسألة الضم والحركات امام الاولاد
هيدول الاشيا كافيين ليعطوا الطمأنينة للاولاد ويشعروا بالرابط القوي بين الام والاب مهما صار في خلافات بينهم

وانا مرات اولادي بيشهدوا الصراعات بيني وبين زوجي ودايما بس كون مع الاولاد او حتى زوجي بيقلهن بابا عادي هالامور بتصير يين الزوجين
وانو بنكون معصبين وبنفش خلقنا ببعض وبعد شوي ما في شي وانا بحب الماما وهيي بتحبني واكتر الازواج بيصير بيناتهن هيك
وبشوف الاولاد دايما عايشين باستقرار لانهم اعتبروا هالخلافات شي طبيعي وبنفس الوقت شايفين التقارب العاطفي بين الاهل وخاصة بس تصير حركات قدامهن
بتشوفي الفرحة بعيونهن وثقتهن بنفسهن عالية

وبعطيهن مثال على جدهن وجدتهن وهني اهلي لانو اولادي عاشوا معهن كتير وبيعرفوا ئديش علاقاتهن قوية وبنفس الوقت بيصير في خلافات بينهن وقدامنا بس نكون عندهن
فهالشي بيعطيهن تأكيد انو الحياة الزوجية ما بتخلى من المد والجزر وبنفس الوقت فيها الاوقات الحلوة متل ما فيها اوقات مرة

المهم دايما نحتوي الاولاد ونكون قريبين منهن
ونفهمهم شوي شوي واقع الحياة بكل عمر رح يمروه
وبعتقد بس تكون الام قريبة من الاولاد او الاب لحد الصداقة رح يكون كافي انو الولد او البنت يحكوا اي شي مضايقهن او يعبروا عن رأيهم ويحكوا اللي زاعجهن او يتدخلوا ببعض المرات

بتعرفي ببعض المرات اذا صدر شي من زوجي وزعجني تصرفه
فبنصح ابني الكبير انو يا ماما اذا بالمستقبل اتزوجت وصدر من زوجتك تصرف ما حلو ما لازم تكون ردة فعلك هيك بل انتبه هيي عرضك وامانة برقبتك وانت لازم تحتوي الموقف وتكون قدوة من دون ما قلو بشكل مباشر انو ما يكون تصرفه متل ابوه على كبر

بس نقطة النوم بفضل انها تنحصر بغرفة النوم مهما كان الخلاف واصل لحده
ولو نام عالارض اوالصوفا المهم تحكيه خبيبتي مهرة بشكل مباشر انو يضل ينام بغرفة النوم مهما صار

دعواتي ترافقك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه