اللي حصل والكلام عن لسان زوجي والعلم الصحيح عند الله

اخوها تعرف على زوجي وقضى لهم شغلهم.

استمرت علاقتهم واتوطدت لأنهم لهم نفس الاهتمامات.

صار دايما يجيب سيرة أخته بسبب وبدون سبب.

يحكي له عنها كثير يذكر كلامها ومواقفها ، كل ما اجتمعوا جاب سيرتها.

بدأ يحكي له عن حياتها وكيف انها انظلمت وكيف هي الآن تعيش وحيدة بين أربع جدار.

بدأ يتعمق ويسترسل حتى عرض عليه الزواج منها.يقول زوجي والكلام لزوجي، والله دخلها بمخي من كثر كلامه عنها،،فكرت وقلبت الموضوع وقلت بشرط عليهم شروطي وافقت تزوجنا ماوافقت انتهينا،أنا مو غرضي زواج غرضي أجرب والشي جاني لحدي..

شروطه
لا تطالبه بمبيت ولا حتى بزيارة،،ولو طل عليها مرة في السنة ماتزعل.
عدم الإنجاب..
ماتتصل فيه ولا ترسل له اطلاقاً،والتواصل عن طريق أخوها.
مالها حق في النفقة..
مالها حق يوصلها مشاوير،تجيب لهاسائق.
تبغى شي مايقدر يجيبه السايق تتواصل مع زوجي عن طريق أخوها.

يقول زوجي ماكنت أروح لها إلافيما ندر ..في الأول كانت تسكت بعدين صارت تبكي وتنقهر،،وتطالب بالزيارة الشهرية على الأقل .. يقول مرة أحزن وأروح ومرة أطنش لأن هي اللي وافقت أنا ماجبرتها... ولما خبرتني بحملها.خاصمتها وهزأتها وقلت لها أنت تركت المانع،، حلفت وقالت لا هذا أمر الله وانت تعترض.. يقول أخذتها للحرم وحلفتها قدام الكعبة تركت المانع ولا لأ..؟؟؟قالت إلا تركته..

يقول رجعتها البيت وقلتلها إنت طالق ولا تفكري حملك يربطني فيك..صارت تبكي وتقول ليش أستخدم المانع وانت اصلا ماتجي أنا اتبهذلت ومرضت من الحبوب أبلع فيها وحرام عليك تطلقني.

يقول رحت المحكمة ثبت الطلقة واتصلت بأخوها يروح يستلم الصك.

صارت ترسلي رسايل من جوال أخوها طول الحمل حزنتني ورجعتها..

هذا اللي حكاه لي زوجي بإختصار.. والعلم الصحيح عند الله.