اهلين عزيزتي ام دحوني

اول طريق لتتقربي منها وتصادقيها اعطيها الثقة بمعنى اسمعيلها من دون ما تقاطعيها او تأنبيها
وشاركيها باحاديث بتخص مواقف ممكن تصير بعمرها ووجهيها بطريقة غير مباشرة

شجعيها بانك تبادري بفتح مواضيع معها ممكن تخجل انها تتحدت فيهن معك
هيك بتكوني اعطيتيها الضو الاخضر لتسأل اي شي بيخطر ببالها
ان شفتي خطأ منها عدي للالف قبل ما تظهر ردة فعلك
لانو اذا اعتبرتيها صديقة يعني مهما غلطت بدك تحتويها وطبعا مش الغلط اللي لا يغتفر
بل قصدي الهفوات والطيش وخاصة بعمر المراهقة
لانو الفتاة بتكون بمرحلة حساسة واي شي بتتأثر فيه اذا ما كان في احد يوجهها او يكون حارس الها

اقرئي عن فترة المراهقة للفتاة لتفهمي نفسيتها وطريقة تفكيرها
شاركيها لحظاتها الحلوة وشجعيها وعززي من ثقتها بنفسها

كوني دايما الشخص اللي بتلاقيه قدامها وقت الحاجة
بس خليها تتنفس واعطيها مساحة يعني ما تطلبي منها تحكي بل افسحي المجال امامهل لتحكي من تلقاء نفسها
.اعطيها الامان
راقبيها من بعيد وما تخليها تحس وخلي دايما عندك الجواب في حال شكت انك عم تراقبيها
ولو اعطينا الثقة للولد المفروض نضل نراقبه كرمال في حال اقترب من الخطأ نستدرك الامر قبل فوات الاوان
صادقي صديقاتها كوني ودودة معهن فوتي بتفكيرهن لانو بهيدا العمر الصديقة بتأثر على صديقتها
وقت تقسي عليها او ترفضي شي معين اقنعيها بسبب الرفض وما لازم يكون مجرد عقاب على خطأها لانو ممكن ما تكون مقتنعة انها على خطأ وبالتالي ما بتلاقي مبرر لعقابها

هيدول اللي خطروا على بالي
اسأل الله ان يحفظ ابنتك ويجعلها من الصالحات ويرزقها السعادة دنيا وآخرة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه