اتزوجت وأبوي شارط عليه تدرس وتشتغل وراتبها لها وأنت من يوصلها ويرجعها،طبعاً بليت شروطي وشربت مويتها.

أول ما اتوظفت وهو عينه ع قروشي (كمعظم الرجال) وصارت بيننا مشاكل كثيرة بسبب الفلوس.لأنه يصرف ومايقدر يوفر..

قلت وش ذنبي؟الله فرض عليك النفقة مافرضها علي،إذا ماقدرت توفر تسوي مشاكل معي ليش؟ قال إنت لازم تمدين وتساعدين عشان أنا أقدر أوفر وأبني بيت للمستقبل..

سنين وأناعايشة بدوامة الراتب،الين انتهينا إلى حل راتب يُصرف وراتب يُستثمر وكله للعيال ولمستقبلهم..وكعادتي أقدم تنازلات وبطولات وافقت عشان أحافظ على بيتي من البراكين والزلازل اللي كانت كل لحظة تدمرها..