طموحة
أول شي لاتخلطين موضوعي بموضوع آحمد،،
ماكنت ولن أكون مشجعة لزواجه لكن إن بغى أحمد الزواح مستعدة أخطب له،،لأنه معه عذر يستحق يتزوج ثانية..

ثانياً لاتدخلين الغيرة في الصغير ،ضعيف أغار منه في ايش.

ثالثاً في ايش ظلمت الصغير؟

الولد شبه يومي يجي بين أخوانه وماشاء الله مشيول على كفوف الراحة.. الكل يدلعه..
لكن حريم عيالي مو ملزومات بخدمته..اللي حامل واللي عندها دوام واللي تدرس مين فاضي لأحد..كلٍ يا الله شايل نفسه وبيته مع الوقت راح يحسون الصغير عبء عليهم..وأنا من خلال معرفتي بشخصياتهم فرضت على زوجي شروطي..وماعندي استعداد أشوف أدنى شي يأثر على استقرار حياتهم..وهذا مو معناه إني راعية لبيوتهم..

أم دان ترى هذا أبوهم زي ماأنتي أمهم .. لاتقولين ماني مستعدة أشوف أدنى شيء يأثر على استقرار حياتهم .. يعني كأنك تقولي لأبوهم أنت تخرب حياتهم وماتهمك استقرارها.. الظاهر متأثرة باقي وشايلة على زوجك بسبب زواجه .. واعذريني..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

والله ضحكت من ردك.
برأيك أنا ملك كريم مو متأثرة من زواج زوجي؟؟!!!

تأثري ماله علاقة بالصغير . ولا أقحمت مشاعري فيه.بالعكس لما يجي أنا أشيله..

وبصراحة أبوهم ماهمه استقرار الحياة في البيوت.أو تفكيره كأي رجل الأمور تمشي بذاك الشكل شي عادي..والصراحة لا مو عادي
يرمي الولد ويمشي
ثم يجي ياخذه ويرجعه لأمه،
مو حاسس بتعب البنات..وكل واحدة منهم عنها اللي مكفيها..وولده صيّاح ..والأطفال يجتمعون عند راسه تاركين بيوتهم،والأمهات يلاحقونهم،،ومرات يتأخر مايجي ياخذ الولد بدري والبنات يبون ينومون أطفالهم وينامون.. وجود الطفل سبب توترات كثيرة للبنات،،وهم ما تكلموا،،لكن أنا أقرأ الكثير على ملامحهم.

المهم انهم ما اشتكولك منه
حريم ونعرف بعض لو مزعجهم الوضع ما راح يسكتون
خلي الطفل يجي وقت ما يجي ويتعود على حس اهله


ظلمتيه لما ما تبغيه يجي ويتعود على وجوه اخوانه
ويتعود على حس اهله وعزوته حوله
تبغيه يكبر وهو نافر من اخوانه صح؟الله اعلم ما بدخل بنيتك
لكن كانك تبغينه يتعود على البعد عنكم ويكبر وهو نافر من اخوانه
فتكوني ضمنتي بقاءه في الظل زي امه

الله اعلم بنيتك لكن موقفك من وجود الطفل عجيب ومتحامل
وحججك اعجب وهي احتمال انزعاج حريم عيالك!!
ولو تعبوا ما رح يبدونه على راحتهم

امه تطلقت خلاص شيلي الولد من راسك
واتركي امره لابوه يوديه لاخوانه ...يجيبه البيت عندك"بيت ابوه"
يوديه ملجا هو حر في ولده

ارحموا من في الارض يرحمكم من في السماء

انا ايضا ارى انه تصرفك مع االابن ما كان له داعي
ولو زوجات ابنك ما تحملوا الامر يخبروا ازوجهم بانفسهم
وما كنت دخلت نفسك بالموضوع ما هي الفائدة
اصلا الامر كان لصالحك انت

__________________
ربنا هب لنا من ازواجنا وذرياتنا قرة اعين واجعلنا للمتقين اماما

سبحان الله
منصبة حالك الحكم والجلاد
تحكمي علي بكلام ثم تقولي الله أعلم بنيتك..

جيبي من كلامي شي يدل إني ما أبغى الولد وأبغاه ينفر من أخوانه!!!!

ردودي فيها من التوضيح مايكفي ولن أرد عليك أكثر.

لا تردي عليه لكن ردي على ضميرك
ما قلنا ارضي بزواجه ولا رجعيه لزوجته
نقووووول الولد الطفل البرييييء

الولد عند اخوانه وحريمهم بكيفهم يتخارجوا مع بعض
لو انه جابه عندك قلنا الجرح باقي ما برى ووووو
لكنه جابه عند اخواااااانه
انتي ربيتي وكبرتي وزوجتي خلاص بيوتهم هم احرار فيها!

اذا لك تصفيات اخرى مع زوجك خلي الطفل خارج الحسبه نهاءيا

من فضلك وفري جهدك ولا تكوني مرة محامية عن حريم العيال.
أنا مادخلت نفسي في احد
انا لما أرفض شي أرفض لأسباب قوية
أنا لي رؤية ونظرة أنت جاهلتها

هذه أم زوجة الصغير تراسلني ع الواتس وتسأل عن الحال والأحوال،ثم تطرقت لموضوع الصغير وكم بيستمر هالوضع ومدري ايش أسئلة كثيرة.
من بيواجه أسئلة الحريم أنا ولا زوجي؟
ليش الواحد يحط نفسه في موقف سخيف !!
ليش زوجي يحوج نفسه الناس يطلبونه يتصرف ويحرجني معه؟
ليش مانتصرف من أنفسنا التصرف الصحيح.

وبعدين لاتقولين كل شوية ارحمي الطفل.الحمد والشكر لله ماصدر مني أي شي نحوه غلط.وأنا
ما دخلته في اللي بيني وبين أبوه.ولا صفيت أي حساب معه.