رد: طلبت الطلاق مستجدات الرد (1139)
رحت وصّلت شما الحضانة ورجعت .. هو كان قام من النوم لكن بعده ما طلع من الغرفة
قال: متى بتطلعين مع أمي؟
قلت: باكلمها عقب شوي .. هي كانت تبانا نطلع بدري.
قال: عيل نروح السينما الظهر عقب ما ترجعين شما. (ما توقعت أبداً .. توقعته بيأجل السينما ليوم ثاني)
قلت: ليش تبا تروح السينما معاي؟
قال: لأني أحب أروح معاج .... قالها وهو يقرب مني وحاول يحضني.
بعدت عنه وقلت له: بليز يا فلان .. ما أبا.
إنت مب ملاحظ إني تكلمت أمس وايد وإنت ما رديت بشي؟!
قال: قولي اللي في خاطرج .. أسمعج. <------ لاحظوا.
قلت: أنا قلت اللي عتدي .. بس إنت اللي ما قلت شي!
قال: شو تبيني أقول؟ .. تبيني أجادل والا أرادد؟! (ما أذكر الكلمة اللي قالها تحديداً)
سألته مرة ثانية: ليش تباني أروح السينما معاك؟
قال: عادي ريال وحرمته رايحين السينما.
قلت: بس أنا تكلمت وايد أمس وكنت أتوقع إنك فهمت أنا شو أبغي بالضبط .. أنا قلت لك أبغي أكون أم مب زوجة .. وطلعة مثل طلعة السينما تعتبر طلعة أزواج.
قال: السينما طلعة أزواج؟!!
قلت: عيل نروح كأصحاب مثلاً؟
قال: اللي تبينه .. المهم نروح.
قلت: بسيارتي.
ضحك وقال: بسيارتج بسيارتي كله واحد.
قلت: لا .. مب كله واحد .. ما باطلع معاك إلا بسيارتي .. وتذكر هالشي عدل عشان ما تنسى عقب شوي وترجع تطلب مني أركب سيارتك.
قال: إن شاء الله.
.
.
.
أخي لماذا نتزوج..
مب حاسة إني أقدر أحدد طلبات .. لأن فعلياً ما عندي طلبات.
ولو طلبت فلا تتوقع إنه يقول حاضر وتم.
مثلا: استخدام الموبايل طول الوقت .... هو أصلاً ما يعترف إنه يكلم حد .. وكان دايماً يقول: أكلم ربعي .... ومؤخراً صار يتكلم في قروب العايلة بالتزامن مع المحادثات الثانية عشان ما أشك أو أقول شي.
المقصد إني بادخل في جدال لأنه أصلاً مب معترف بإنه يسوي شي يضايقني.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 25-02-2016 الساعة 08:43 AM
25-02-2016, 08:41 AM
ضوابط المشاركة
العرض الشجري