رد: طلبت الطلاق مستجدات الرد (1139)
من كم يوم بعثت له أعطيه خبر عن موعد تسليم رسوم الكورس الثالث لحضانة شما.
رد علي يومها: مب على أساس إنتي بتدفعين الكورس الأخير. (قبل المشكلة كنا نمزح في هالسالفة باعتبار إن رسوم هالحضانة وايد غالية وكان يشاكسني فيها)
قلت: خلاص مب لازم .. بس إذا غيرت رايك فالرسوم لازم تندفع في شهر مارس.
قال: خليها تيلس في البيت أحسن.
وانتهى الحوار بدون تعليق مني .. لكني كنت مقهورة على بنتي صراحة.
اليوم عقب ما رجعت من الحضانة .. وقبل الحوار السابق قال لي: نسيت أقول لج تسألين عن موعد استلام الشيك.
قلت له: أي شيك؟
قال: رسوم الحضانة للكورس الأخير.
قلت: مب على أساس إنك قلت لا؟!
قال: عاد إنتي صدقتي؟ .. البنت مستفيدة في الحضانة؟
قلت: هيه مستفيدة وايد.
قال: خلاص هذا هو المهم .. بس اسأليهم إذا ينفع يكون موعد سحب الشيك في شهر مايو وإلا لازم قبل؟
__________________
اللهم طِيبَ الأثر .. وحُسْنَ الرحيل.
25-02-2016, 09:09 AM
ضوابط المشاركة
العرض الشجري