ماشاءالله حلو نشوف رجال غير مؤيدين للزواج بالثانيه 😃
ملينا من كلمة حقي والشرع حلل أربع هذا الي يعرفونه من التعدد ، وإذا طاح الفاس بالراس قال ياليت إلي جرى ماكان .

__________________
الحمدلله حمدا جزيلا ...

تبين الحق التعدد مو مسأله سهله آلى درجة كل يوصي بها
التعدد غلافه جميل لكن ماوراء الغلاف هل تقدر عليه
مشاكل بين الزوجات هذي قالت وانا قلت وانت تحبها وانت جاخدتي
انت غطيتها ماعطيتني وديتها ماوديتني
اهلي ليش مازرتهم اهلي من زمان ماشافوك وووو
وغالبا سيعيش الرجل بين امرأتين غير متسامحتين معه
يعني يشوفون مصالحهم قبلك وقبل راحتك وصفاء بالك
ثم بعد كذا نجي للمصرف لاتقتصر صرفك على زوجه فقط
بل اعتبر ان هذا الزواج سيترتب عليه إنجاب ممكن خلال 6 سنوات ثلاث أطفال من جانب وحده
هل لديك قدره على الصرف
مستقبلا اذا كبرو ابناءك وبَنَاتِك متطلباتهم هل ستقدر عليها
ولاأعتقد ان الزوجة الثانيه ستتنازل عن حقها في الإنجاب والإعلان
عشان تستانس انت لا تدبسك ثم تزن فوق رأسك او تفجعك

المعدد لازم يكون حازم ويضرب بيد من حديد
اما يكون لعبة بين زوجتين فهوا الجاني على نفسة
من البداية واعطاهن فرصة

__________________
سبحان الله وبحمده سبحان الله العظيم

يا اخي لا حازم ولاشيء
المُعدد يجب ان يكون شخص باله وسيييييييييييييييع
وسيييييييييييع ويتحمل زين الثنتين
بعدين الزوجة الوحيدة اذا ربي هداها لزوجها تقول
حبيبي زوجي والله ماقصر ويصرف وتعبان ووو
لكن زوجة المُعدد
تقول يشيل منا ويحط في البيت الثاني وهكذا

ناهيك عن ان الزواج ورآه إنجاب موب فلها وانبسط
تربية ابنائك كيف بتكون علاقتهم مع بعض كيف بتكون
صرفك عليهم كيف بيكون
مستشفيات اساسيات اكل وشرب ولبس
في وقت طغت فيه الكماليات وارتفعت الأسعار
كيف سياستك يامعدد
بالنسبة للسفريات بين زوجتين
وأبناء ، وأثاث بيت وتغييره
ومولود وتقديمات نفاس ومستشفى اهلي
وخادمه وسائق. وووووو
وش سياستك بالنسبة للكماليات الاخرى من جوالات زوجات وبزوره
وبيتين تسع كل واحده من زوجاتك وعيالها
والتزاماتك امام أهل الزوجتين كيف بتكون
عطني خواتي قاطين
عطني بنروح الاستراحة
عطني بعزم خواتي
لاتظن الزوجتين بتعييش عشانك
لأنهم بيشوفون اي تقصير منك في صرفك او طاقتك حتى
دلاله ع انك اهدرتها في البيت الاخر ولو ماكان هذا صحيح

كلام سليم 100% ، ما نأيد الزواج من الثانية علشان المصايب ووجع الراس والتربية والحياة والتفاصيل إلخ... اللي مايشوفها الرجل بحكم الشهوة المسيطرة عليه حالياً

__________________
ياصبحِ لاتِقبل !!
عط الليل من وقتك..

ماعند ثقافة ماوراء السطور
الاعضاء كلهم مؤيدين وبقوة

وموضوعه نقلهم عالم ثاني يحبونه
ويتمنونه....
الظاهر من ردودهم الرفض
والباطن التأييد والرغبة
لكن بيسوون طريقته ...
علشان مراعاه للشعور....

بالنسبة لي مؤيد وبقوة لكن إذا تحققت شروط معينه ذكرتها
وأظن من حق أي واحد يتمنى اللي يبغاه
والمهم هو القدرة على تحقيق تلك الأماني