قبل صلاة العصر فتحت عيوني وإنتبهت للساعه ونقزت فاتتني الصلاه توضيت وصليت فروضي وناظرت تحت وماحصلته : أووف منه صحى ولا جلسني للصلاه منه
نزلت أسوي لي قهوه الا انتبه له طايح بالأرض ضحكت عليه : هههههههه << تقدمت منه >> فيصل ، فيصل
فتح عيونه بتعب : هاااا
ههههه وش نايم ع الأرض
حط ايده ع ظهره يتألم : شببب ، وش عليك سرير طول بعرض وتتضحكين عليّ لا بارك الله في الصوفايه ضحكتك عليّ
ساعدته يوقف: قم طيب صَل الظهر والعصر
جلس ع الصوفايه: بصلي لكن شوفي لك حل انا نومه هنيا مافيه ماعدت أطيق المكان ذه بعد ماكان أفضل مكان لخلوتي.
كتمت ضحكته : إنت صَل وبعدين نتكلم
دخل الحمام أكرمكم الله وأنفجرت ويصارخ علي وهو داخل ويهدد: أشوف فيك يوم ي بنت اللذين .
ههههههههه تبي أسوي لك قهوه معي
اييه وبعد الصلاه دخل علي البلكونة ومديت له كوبه وجلسنا نتأمل الناس ولندن ، وش رايك بلندن عجبتك
مبتسمه : حلووه بس تصدق أنا أحب المدن الطبيعه أكثر
لندن ام الطبيعه وأكثر إهتمامتها وتضم الحظاره الفكتوريه وتحافظ ع عصورها مهما مر فيهم الزمن وكل ماقدم المكان عندهم زياد قيمته .
أهممم تعجبني أجوائهم ممطره ع مدار الساعه ماتفهم لجوها بارده ربيعيه ممطره جرهم متقلب دايم لكن يعجبني
غمز : يقولون الأجواء هاذي للعشاق
ابتسمت ع جنب: وانت لاتصدق كل مايقال
هههه طيب انا تأخرت ع الشركه أشوفك بالليل
لا لا مابي أجلس هنا لوحدي
ليش تخافين
لا مو كذا بس مابي اجلس بالشقه ملانه
اممم تروحين معي
مصدومه : الشششركه
هههههههه ايه وش فيها عادي ترا حنا بلندن مو السعودية يعني الشركه مختلطه وأطمنك غالبها إناث
بنص عين : تموت لو ماجمعت لك الجنس الناعم حولك
رافع متونه بغرور : يفتحون نفسي للعمل
عطيته ظهري يعني إني مش مهتمه : نص ساعه وأكون جاهزه
هوب هوب اي نص ساعه هي خمس دقايق مافيه غيرها وانا وراك أبدل ملابسي
صعدنا مع بعض خذت انا أغراضي ودخلت الحمام أكرمكم الله وهو ظل في الغرفه يبدل ولما خلصت طقيت الزجاج يأذن لي تطلع او لا وسمح لي ناظرت لبسه كان مقارب جداً للبسي وهو ناظر فيني وابتسم : ههه اللي يشوفنا يقول عشاق
ناظرت الساعه بإنجاز : خخخ اول مره أسويها خلصت بالوقت
فهم إني اغير السالفه : يلا مشينا
طلعنا من الشقه وقبل نركب السياره : الشركه بعيده عن هنا مره
اييه ..ش<< فتح لي الباب وركبنا >>
للأسف ودي نتمشى الجو خورافي
ناظر فيني من تحت لفوق : صاحيه انتي بلبسك هذا تبين تتمشين
ناظرت لبسي : ايه وش فيها
فيها انه مو دافئ خفيف والجو بارد اليوم وبرودة الجو هنا عكس السعودية ي ماما
تأففت: أووف إسمع هناك أمي ماله داعي تكون انت هنا بعد
طيب هذا لأنه مالي دخل صح خلاص حفظت إن شاءالله
عضيت شفتي: لا مو قصدي بس إفهم انا اكره الملابس الكثيره والثقيلة .
طيب ع راحتك
حسيت انه زعلان نزلت راسي : زعلت
مبتسم : يهمك رضاي ولا يفرق معك زعلي
مارديت وجلست أتعبث بالمسجله وضحك : هههههه إذا بتسألين سؤال كوني قده ومجهزه جواب له
ناظرت النافذه وبهمس : وانت يفرق معك
إِيش ماسمعت سؤالك
ها ولا شيء ماقلت شي أصلاً
اهاا
وبعد نص ساعه وصلنا مسك ايدي وعرفني ع السكرتاريه ودخلنا المكتب : حياك نورتي الشركه وراعيها
بإنبهار : ماشاءالله ماتوقعت شركتك بالكبر ذه والفخامه
هههههههههه فيه الأفخم والأكبر ربي لك الحمد
ماشاءالله ربي يزيدك
دخلت علينا السكرتيره ماعجبتني كلش في لبسها حطت القهوه ع الطاوله وعطته الملف وجلست عشر دقايق تقرق بأمور الشغل وابتسم لها تطلع بعده إلتفت لي : خذي راحتك عندي إجتماع مستعجل بحاول إني أخلصه بدري وماأتأخر عليك
زممت شفايفي ملل : طييب
ابتسم : معليش بحاول اختصره أعذريني
إبتسمت له : أوك
جلست أتعبث بأغراضه وطفشت مافيه شي يجذب خذت جوالي أتعبث فيه ومن دون ماأحس كتبت رقم جدي وبضغط ع اتصال لكن تذكرت اخر مره كلمته وش صار هنيا وهونت قفلت الجوال وقفت عند النافذه اتفرج ع المنظر الخارجي : ليش ماأتصل هو ماراح يدري عني اتصل وأتطمن واقفل وهو ماعرف بشي صح خذت جوالي وكتبت الأرقام ورديت مسحتهم وحذفته بعيد عني : اووووف هنا ملل أكثر من الشقه، انا ليش جالسه في المكتب اطلع أتمشى بالشركة
طلعت أتمشى وتركت رجولي تاخذني وتسيرني من دون ماأنتبه منبهره من تكتيك الشركه لدرجة حبيت تكون لي وظيفه هنيا خخخ أمشي ولفت نظري صوره كبيره للمدير وهو فيصل وماكنت منتبه لخطواتي وكنت بطيح ع وجهي لكن يد تداركت الوضع وسحبني وتلاقت عيونا في بعضها مرت وهله بسيطه وتدراكت الوضع وابتعدت خايفه : آسفه ماأنتبهت
مارد مبلم مكانه عضيت ع شفتي : وجع كيف أكلمه عربي وشكله واضح أنه مش عربي " ابتسمت ع خفيف " sorry
مارد عليّ أُوف ولا يفهم إنجليزي بعد كله منك فصيل تركتني لوحدي وتورطت
إبتسم : إذا انت زوجة فيصل
فتحت عيوني ع وسعها : تتكلم عربي
ههههههه بالتأكيد خطيبتي عربيه وصديقي المقرب جداً عربي زوجك فيصل
براحه : الحمدلله أعتذر ماأنتبهت لخطواتي
لم يحدث شي يستحق للإعتذار لكن أين تريدن الذهاب لآخذك إليه
لا كنت اتمشى وضيعت مكتب فيصل
مكتب المدير ليس من هنا تعالي معي
ورحت معه ، وأخيراً إلتقيت بك لم نتعرف بعد أنا جوخان
وانا هديل << اسمه مر علي بس وين ايييه >> انت حبيب سمر
ابتسم : نعم انا حبيب حبيبتي سمر
ابتسمت : تشرفنا
وصلنا للمكتب : إسمحي لي الآن عندي إجتماع مع الإدارة " ناظر الساعه " تأخرت كثيراً سيستلمني المدير هههههه
بالتوفيق ، دخلت المكتب وتأففت خذت لي كتاب أقرأ فيه الين انعست وغفيت بمكاني ومدري كم مر من الوقت بالضبط فتحت عيوني وكان جالس ع ركبته مقابل وجهي وأيده ع خده إبتسمت : اووه شكلي نمت من دون ماأحس
بهمس : أووووش
مازلت مبتسمه وع وضعي ماتحركت وتبادلنا النظرات اللي ماحد فينا يدري وش يقصد الثاني بعيونه فتح الباب علينا ونقزت اعدل وضعي من الإحراج التفت فيصل معصب ع اللي دخل : خييييير ليش ماطرقت الباب قبل تدخل
جوخان بإستهزاء : نعتذر من حضراتكم لكن قلنا لحضراتنا أن نأتي ونلطف الجو اذا كان مشحون لأن حضراتكم قد نسي الأميره لوحدها متناسياً وجودها هنا وكان سيمضي من دون ان يتذكر وجودها لولا حضارتنا نبه عليكم بتواجدها في المكتب
ناظرت فيصل من جد كان بيمشي ناسيني هنا
فيصل وقف ومسك ايده وع الباب : حضراتنا يقولون لك ضف وجههك ، جوخان كان بيرد عليه لكن قفل الباب في وجهه وضحكت عليهم هههههههه
اذا خلصتي ضحك قومي صلي دخلنا المغرب
طيب بس صدق كنت ناسي وجودي
حسبي الله عليه فضحنا الخبل أسف بس من انهماك الشغل والله
طيب
قرب مني ومسك ايدي : زعلت
ليش يهمك رضاي او يفرق معك زعلي
اييه أكيد
ناظرت عيونه أدور الصدق : مازعلت
إبتسم : طيب هذا الحمام وهذا حلال وسجاد
ي حليل من وين جبتهم
مبتسم : فيه مصلى هنا للرجال والنسوان اغلب موظفيني مسلمين
بإعجاب : ماشاءالله
وبعد ماطلعنا من الشركه : وين بنروح
السوق
سوق ليش
اشتري لك لَبْس يناسب الليله
ليش وش عندك في الليل
حفله
حفله ؟!
ي كثر أسئلتك
طيب جاوب
سمر مسويه حفله بمناسبة ارتباطي فيك وعازمه ربعنا
عقدت حواجبي مختلطه
ايه ليش
وعيب لو مارحت
هو لك لكن اعرف السبب لعدم رغبتك
امممم بصراحة مااحب المختلط استحي ماارتاح بالأجواء هاذي
اهاا ، الحفله ماراح تكون مثل مانشوفها بالتي في راح تكون محترمه صدقيني نروح وإذا انزعجتي نرجع اوك
ماحبيت ارفض خصوصاً لسمر : طيب
دخلنا أفخم محل لملابس السهره اختار لي مجموعه وطلب مني ألبسهم في البدايه رفضت وبشده الملابس اغلبها مفتحه وهو كاتم ضحكته عني وشرطه ماأفصخهم الا لما يشوف عاندت مابي ولا ابي اروح الحفله وبحزم ي تلبسين وتطلعين اشوف ولا والله أحملك وادخل فيك والبسك بإيدي إنصعقت والله يسويها إستسلمت له وكل قطعه يقول لي شين لبسي اللي بعده وانا من ناحيتي استانس اذا ماعجبه لانه حتى انا ماابيهم فاضحين كنت لما اطلع أوريه احاول استر الأماكن المكشوفه بإيدي 😤
اخر شي اختار لي فستان ناعم جداً وطويل وساتر ماعدا الظهر : هذا يخبل عليك خصوصاً اللون << زهري >> عاكس خجل خدودك
مو مرتاحه: بس ظهره عاري ماحبيته
أهممم واختفى عن عيني ورجع : لبسي هذا فوقه << جاكيت فرو ابيض>>
ناظرت بالمرايا تطمنت إبتسمت : اللحين تمام ههههه
طيب مشينا نجهز قبل الحفل ، إستغربت من الطريق : هذا طريق شقة سمر ؟!
ايه بنزلك هنا تتجهزين هي طلبت مني
طيب
نزلني عندها وهو مشى إستقبلتني بفرح وشغل متعب 😢
سلمتني للكوافيره وطلعت ومرت الساعات وخلصت سمر من اوامرها واستلمتني كامله ع حسب طلبها 😒
شو ماعجبك الشغل
أناظر نفسي : عاجبني ي جويا زمانك بس ماكان له داعي هذا كله
وشو السبب
انا مااحب أكون بكامل زينتي بحضور شخص اجنبي
شو مافهمت عليك
اممم إسلامي فرض علي الإحتشام بحظور شخص غريب عني هذا كله فقط مسموح للمحرمي فقط
اهاا هههههههه بس مافيه حدا غريب بالحفلة ماتحاتي
بنفسي وش تقول ذي الحفله مختلطه وتقول مافيه ، ماتفكري كتير حبيبتي فيصل بيغير عليك كتير أساساً من خبرته عن الحفله رفض لكن لما أقنعته انه يكون بس بنات وانت وهو والشباب بمكان تاني وافق
سخيييييف ولا قال لي
هههههههههههههه راح خليك هلأ دقيقه وبرجع لك
اوك
رديت أناظر نفسي بإعجاب وماانتبهت من دخل عليّ تقشعر جسمي من لمس أصابعه ع ظهري مررهم من فوق لتحت إلتفت ومرر أصابعه ع خدي وخشمي ولعب بشعري الكيرلي نزل صبعه ع شفايفي وناظر في عيوني نبضات قلبي تسارعت حتى هو كان يتنفس سريع أنفاسه حرقتني أومى براسه وعرفت باللي راح يسويه دفيته بعيد عني توترت وبلعت ريقي بصعوبه : أحمم.. ليش جيت سمر تقول انه حفلتكم لحالها
بعد شعره عن وجهه : احمم ايه صح جيت أتطمن عليك
اهاا
الوضع كان مكهرب متوتر إثنينا مرتبكين والصمت يزيد من الوضع المزعج اخيراً طلع وانا تنفست براحه دخلت بعده سمر وطلعنا عرفتني ع ضيوفها وابتدت الحفله حاولت أتناسى اللحظه الأخيرة كل مااتذكر باللي كان راح يصير تقشعر جسمي ، كل شوي سمر تسألني وش فيني وإذا الحفله ماعجبتني وكذا حاولت تدخلني بالجو لكن خوفي مسيطر عليّ ومررررت الحفل بسلام وطلعوا ضيوفها وانا حسيت بعطش دخلت المطبخ أشرب ماي سمعت صوته وصوت جوخان ما قدرت أطلع لانه ماعليّ شي يسترني وطولوا بالسوالف شكلهم مندمجين وناسيني يلا أحسن مابي اطلع لفيصل حالياً شوي الا اسمع صوت واحد يغني صووووت تعشق له الأذن ماشاءالله بس مافهمت منها كلمه هههههههههه أغنيه تركيه بس صوته جذبني مرره ولما خلص بدت أغنيه ثانيه لكن المرّه هاذي مسجلهواسمع ضحكاتهم طلعت راسي اشوف كانوا يرقصون مع بعض فيصل ومادلين وسمر وجوخان رقص تركي ع أغنيه تركيه جلست أناظر فيه وكيف مندمج معها وهي كيف مبسوطة شعور غريب حسيت بضيقه من الوضع مبسوط الباشا حتى ماسأل عني ناديت ع سمر واعتذرت منها تعبت وابي ارجع الشقه واعذرتني وخبرت فيصل ، طلعنا للشقه وطول الطريق ساكتين دخلنا الشقه : وش فيك ساكته
وش تبيني أقول
يعني رايك بالحفله إنبسطتي ولا يعني مثل كذا
ايه انبسطت والحفله كانت بيرفكت بس ماشاءالله ماكنت اعرف انك تعرف ترقص تركي
بغرور: وش رايك تركي الا شوي صح
نسحب الجنسيه أحسن
شب بس المهم انك إنبسطتي
ايه الحمدلله مبسوطه
الحفل من ترتيب سمر وجوخان فرحانين فيني وحبو يفرحون بطريقتهم
حبيت الأثنين مرره وتحس مناسبين لبعض واضح انهم يعشقون بعض
ابتسم : حيييل صدق جوخان تعب ع مانال قلبها كان حبه من طرف لكن بالأخير فاز بها وكسب قلبها وصارت سمر مجنونه فيه عانت كثير من الحب وماعادت تثق بأحد بإسم الحب من الحيوان خطيبها خانها وخان ثقتها لكن جوخان قدر بحبه يثبت لها انه مو الكل مثله وانه هو صادق بمشاعره ومستعد يضحي بحياته عشانها .
الله يسعدهم ويتمم علاقتهم بالزواج
آميين ،
ومادلين ؟!
عقد حواجبه : وش فيها
ماأسمعك تتكلم عنها مثل سمر
بعد عيونه عني : لأنه مافيه شي ينحكى
يعني مالها حبيب خطيب مثل سمر
الله يرزقها .. تعبت وابي انام وانت
رآنا بعد أساساً الكعب ذه هلكني مو قادره امشي خطوتين زيادة
ماحبيت الا وانا مرتفعه ع الأرض : نزلني ي الخبل
هههههههههههه والخيل يقول ماراح ينزلك
ضربت صدره وارافس : اووف قلت لك نزلني اعرف امشي والله نزلني بسرعه
صعد فيني : خفي حركتك ولا بنطيح من الدرج اللحين<< نزلني لما وصلنا وابتعدت عنه بسرعه السرير بينا حاجز وماده إصبعي له : ي ويلك ان قربت مني
هههههههههههه اذا انا خبل بالله انت وش تطلعين وشو ذي لا أقرب << تقدم لخطواته >>
انصرفت حذفت عليه اقرب شي طاحت يدي خداديه : فصيييل قلت لك لا تقرب وقف مكانك والله ي ويلك لو قربت
جلس يضحك علي ويكمل بخطواته وانا بس احذف عليه وهو يصد وانا احذف وابعد الين تصادمت بحاحز منعني قرب مني حيل ومد ايده وانا ارجف من خوفي فتح الدولاب : وش فيك خايفه وش كنت تفكرين فيه (( غمز )) انا كنت بأخذ بيجامتي ابي أبدل وأنام محدود حيلي
حسيت بكف من الفشله لكن ارتحت نسبياً ضحك علي ودخل الحمام أكرمكم الله
وانا جلست ع طرف السرير اتذكر تفكيري وابتسمت ع غبائه ضربت جبهتي ع خفيف وريحت ع السرير انتظره يخلص شور وادخل بعده لكن النوم غلاب غفييت لكن رديت صحيت من قطرات المويه ع ظهري مرر ايده مسحهم وطبع قبله مكانهم تشنجت بمكاني بس ماتحركت مابيه يعرف إني جالسه نام جنبي وغطاني ومازلت صاحيه وماتحركت خفت أتحرك او أقوم عشت لحظه توتر وصراع ظليت مغمضه عيوني الين نمت ..

ومضه:
يُحدث أن يُيَتم قلبٌ لــ قلبٍ ليس له..!