بختصار انا عمري 22 وعندي 3 أطفال احس نفسي مو قد المسؤولية حتى أطفالي ماني عارفه كيف أربيهم واهتم فيهم ، لدرجة مرات نقعد نتخاصم انا وولدي الصغير وزوجي يضحك يقول مو كانك أمه كانك اخته !!
وغير كذا تعبت من شغل البيت كنس غسل صحون غسل أرضيات البيت مع الحمامات غسل المغاسل تمسيح المرايا طبخ غدا وعشا وغسل الصحون ترويش الاطفال الثلاثه وتغيير حفاظاتهم و ملابسهم والعناية بأسنانهم و متابعة دروس ولدي اللي بالروضة و غير كذا كنس البيت والترتيب لازم كل يوم وغير مضاربتهم مع بعض كل ذا فوق راسي انا
وزوجي ذي الأيام قام بس يغسل ارضيه المطبخ وسراميك الدولاب بالمطبخ
وإذا مااشتغلت أسبوع بس البيت ينقلب زباله و زوجي يغلط عليا مع انو يوم جاء خطبني أمي قالت له اني مااعرف بشغل البيت شيء ورغم كذا اذا زعل يقول اني مو حرمه ومو فالحه بشغل البيت رغم كل اللي أسويه يجحد كل شيء بثانيه 😒
احس نفسي خلاص كرهت الزواج وكرهت اهلي اللي أجبروني اتزوج غصبا عني نفسي اتطلق وارتااح واعيش لحالي بدون زوج وأهل ، ومشاكل ووجع راس ، وغير كذا احس الثلاثه اللي جبتهم يكفوني وزيادة وما ابغى أطفال نهائي لان زوجي رامي مسؤوليتهم كلهم عليا مو فالح غير يقفل الباب ع نفسه بالغرفه ويأكل وينام 😌 لا وغير كذا يبي أطفال زيادة عشان التعب مو عليه عليا انا لحالي 💔 أفكر اربط عنق الرحم وارتاح وأعيش حياتي من اول وجديد
ابغى رأيكم ونصايحكم ❤❤❤

(تم تعديل العنوان ليتناسب مع المضمون)