ومض قبل شوي كانت عندي حملة تنظيفات
وكنت ناوية اخلص و دايركت احط راسي وانام
بس وآنه في عز انهماكي في التنظيف
تذكرتج .. وتذكرت مواضيعج وشغلتي بالي
واكتشفت شيء.... يجوز خارج نطاق الموضوع بس يقرقع في قليبي
المهم... ما لج بالطويلة

اكتشفت انج مميزة عند امج
الدليل ان دايما تبيج انتي من بين خواتج اللي تجابلين الضيوف
وتقومين بشؤون البيت...
هذا دليل انج واجهة حلوة بالنسبة لها
والدليل انها تشوفج سنعة .. لو لا جذي ما حطتج بهالمواقف
وهذا دليل ايضا انها تثق فيج ...

وبالنسبة حق مرت اخوج
خلي البنت بحالها..
يجوز اخوج هو اللي يصر عليها تزوركم
ويمكن هو اللي يتعمد يقطها عندكم 7 ساعات
ما اتصور فيه وحدة تحب اتم في مكان 7 ساعات واهيه عندها كوكش يهال
وما فيه وحده بتظل ببيت احد 7 ساعات واهيه تحس بالراحة
شفتي منها موقف سيئ ؟
اذا لا .. فلا يكون ظنج سيئ...
والله وفيها الخير تزوركم .. لو وحدة غيرها جان ما عطتكم ويه
و زين لين سلمت عليكم...

وعيالها منكم وفيكم .. ما يصير ما يتعرفون عليكم ولا يختلطون فيكم
شدعوة!
وثانيا يجوز اصلا اهيه ما تبي تسكن في بيتكم القديم
بديهيا اي وحده تحب تسكن في مكان جديد...
يجوز هذا تخطيط اخوج.. فليش تقطينه براس بنت الناس...

طلعيها من مخج..

__________________

حاجة الناس إليكم من نعم الله عليكم ، فـ لا تملوا النِعم ☁✨