ملكة انا اختنقت عنك لانو حسيت ئديش كمية الضغط اللي بداخلك وهالشي اخد من اعصابك كتير وما عاد في مجال لتجاملي او لترممي او لتطنشي
اهم واول نقطة بدك راحة واعادة شحن جسمك طاقة لتقدري تعطي كل موقف او كل حدث حقه

انت تعبانة كتير حبيبتي شوفي اي طريقة بتلاقيها رح تريحك اتبعيها ولو ابتعدتي لفترة
المهم فرغي كل هالضغط اللي بداخلك

قلبي معك يا ملكة بعرفك قوية بس بتمر علينا مرات اوقات بنصير ضعاف وهشين عند اصغر الامور
لانو بنكون وصلنا لمرحلة الانفجار ولمرحلة الارهاق
بدك تنفسي عن حالك نفسي بعيد عن زوجك وبس تستعيدي نفسك بتقدري تفهمي عليه ويفهم عليكي وتحطوا النقاط عالحروف
اما بهيك وضع مهما اتفقتوا على امور ما رح تطبقوها لانكم اتنيناتكن مضغوطين

وبالنسبة لولدك حبيبتي ما تعتبريه مرض ولا تعيشي حياة الهم والنكد كرمال التوحد
خديها من ناحية ايجابية شوفي كم متوحد صار مبدع ومعروف عندهم ذكاء ماشاءالله تبارك الرحمان
اعتبري ولدك مش متوحد وبدو اهتمام متله اي ولد غيره
وبالنسبة للانجاب اتركيها على رب العالمين واعملي،بالاسباب بس ما يكون سبب لهمك
بعدك صغيرة والعمر قدامك وطفلك بعدو صغير وانت مرهقة كمان

المهم نفسك اول شي لتقدري تعطي لازم تكوني قادرة على هالشي


دعواتي ترافقك حبيبتي
اسأل الله ان يبدل حالك الى افضل حال من حيث لا تحتسبين

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه