اخي الرسمي .. امها زادت عناد لما عرفت السبب .

انا افسر تصرف الام من خلال فهمي لشخصيتها من خلال تصرفاتها لحد الان .

هي تعرف بنتها وتعرف بانه قلبها طيب (لاحظ موقفها تجاه زوجه اخوها ومسامحتها السريعه لزوجها )
ولانها تعرف طببة بنتها اثقلت بالطلبات على الزوج عند الخطبة .. واشوف انها طلبات ما فاقت قدرة العريس بدليل انه كان قادر يطلع شهر عسل باوروبا .

مشكلة اختلاف طبيعة التعامل مع النسايب لازم نحاول نحلها بهدوء وحكمة .. وصعب بنت بعمر دمعه وبموقعها بالعيلة (اتوقع بانها من اصغر البنات عندهم )
صعب تفهمهم الصح والغلط وتوجههم للشرع . ما راح يسمعوا منها
بالعكس راح يعتبروها افكار الزوج وينظروا لتمسك بنتهم بهالافكار بزاويتين
1. زوجها مسيطر عليها وقدر يضحك على قلبها وعقلها ... وهذا امر مكروه ومرفوض من الام وسبب كافي يخليها تصر على رفضن كزوج لبنتها ... يعني مو الموضوع موقف وبس ... هي ترفض قناعاته هذه .

2. هذا الزواج لو استمر معناه راح نفقد بنتنا لانها راح تطيع زوجها بافكاره هذه وراح تتفرق البنات عن بعض وتصير بينهم حواجز .. وبالتالي ايضا مرفوض كزوج .

انا ما اناقش انه صح ولاا غلط ... لكن هذي هي المعطيات اللي عندنا وهذا تفكير الام اللي لازم نفهمه عشان نقدر نتغامل معاه بطريقة تخلينا نوصل لهدفنا اللي هو رجوع دمعه لزوجها ...


لكن خاله .. حبيبتي دمعه .. انتي فاهمه ايش يعني زواج بهذي الظروف ؟؟

1. امك وخواتك راح يحاولوا جهدهم يجبروكم تندمجوا بطريقتهم .. وانتي تعرفي امك والحاحها وضغطها .. راح تقدري ؟؟
2. حتى اهله راح يلاحظوا وينتقدوا شخصيتك لما تتفاعلي معاهم .. وبالتالي تحتاجي حكمه وضبط نفس واسلوب فيه شوية تحايل حتى تقنعيهم بانك اهل لان تكوني زوجة ولدهم ..

انسي العواطف الحين حبيبتي وفكري بمنطق وعلى مهل وخططي لحياتك
الدنيا والزواج مو واحد يحبني وخلاص .. هالواحد الل ي يبكي الحين ممكن باجر يبكيكي انتي وبكل قسوة وتلاقيه تحول لشخص ما تعرفيه ..

بدك امك توافق على رجوعك ..
1 . اظهري لها انك قوية (مو عليها ) وتقدري تمشي كلمتك على زوجك وراح توصلي معاه لتفاهم بخصوص مفاهيمه .
2. انتبهي واحذري انك تحاولي تبيني غلط زوج اختك .. الكلام بهذي الامور مستنقع تغوصي فيه وتتوسخي وتتبهدلي مع الناس وتطلعي بالاخر بدون نتيجة ..
تجنبي نقاش هالجزئية واذا اضطريتي تناقشيها قولي بان زوج كان متضايق من انشغالك عنه .. وشوية غيره . وبانك رديتي عليه بقوة .

3. اصبري وهدي اعصابك خلال نقاشك مع امك .. وحاولي تظهري تمسكك بزوجك بسبب حرصك على نظرة الناس لك وبانك واثقة انك تقدري تسيطري على الوضع بعد رجوعك .

4. ضروري تصلحي مع اختك حتى تطمن امك ان علاقة بناتها ببعض ما تأثرت


اتمنى على الاعضاء ان يقرؤوا المستجدات بشكل جيد ويلاحظوا تسلسل الاحداث .. يعني الام مثلا كانت بتناقش وتتفاهم مع الزوج بدليل انها كانت رافضة دخول البنت لكن بعد ما عرفت سبب الطلاق الحقيقي خلتها تدخل لان اخذت قرارها بالطلاق فما كانت ناوية تناقش او تتفاهم وبالتالي ما يهم لو البنت دخلت

دمعه ... انا احلل من عندي عن بعد الاف الكيلومترات عنكم من ورا الشاشة .. وانتي الوحيدة اللي تقدري تعرفي اذا تحليلي صح
بس هدي اعصابك وفكري بهدوء وارجعي لنا

كلنا هنا هدفنا مصلحتك