مشكلتي بدأت من قبل الزواج. . انا فتاه عمري 32 سنه تقدم بي العمر وفشلت كل خطوباتي بأمرالله ،عانيت معامله ابي وامي القاسيه جدا والاساءه لي بالالفاظ بشكل يومي من باب الحرص فهم كبار بالسن وانا اخر بنت لديهم ورغبه منهم في تزويجي والتخلص من مسؤوليتي الى الابد.
للاسف لا استطيع ان اصف مقدار الالم الذي عانيته دائما شكك بأخلاقي والفاظ اترفع من كتابتها في هذه الصفحه، تمر السنه والسنتين والثلاث وانا لم اخرج من البيت ولا اعرف الاسواق والملاهي والله يشهد حتى الوظيفه لايرغبون الا بوظيفه حكوميه وغيرها لا وألف لا. كانت الايام تمر بملل ورتابه لا يعلم بها الا الله، طريقتي الوحيده في الترفيه عن نفسي بعد الصلاه والدعاء والاستغفار هي مشاهده التلفاز وتحميل مسلسلات وهكذا مرت الايام. بعد فتره قصيره تقدم لخطبتي شخص مطلق ولديه ولد. القريب و البعيد يشتم في اخلاقه وسلوكه وانه لا يصلح لزواج. الكل كان معارض له، سيء خلق ، يشرب ، عصبي ، اخلاقه سيئه،. للاسف انا الوحيده التي تمسكت به لشده من جهه عمري الذي لم يعد صغيرا ، ومن جهه خروجي من السجن ويقيني التام بأن الله لن يرد دعائي و تضرعي اليه بأن يرزقني زوجا صالحا كما اتمنى. وافق ابي لانه يريد الفكه مني ،تم الزواج وبدأت حياتي الجديده معه
وجدت انسان يتصيد الاخطاء بشكل رهيب ، يكبر الامور التافهه،عصبي جدا لاتفه سبب، لايحترم الزوجه ولايعرف لها قدر وقيمه، يتلفظ علي بألفاظ تحقير تتعبني نفسيا ، حاولت اكسب وده واحببه فيني ، اتفنن بترتيب البيت والسرير والطبخ ، ارهق نفسي من اجل ان ابدو بصوره تعجبه ، يحب المساج واصبح شغلي الشاغل ، كل شي يحبه بلا استثناء احاول التركيز عليه ، امه اعاملها معامله بنفس معامله امي واحيانا اناديها امي ، ولده الاعبه والاطفه.
فتحت جواله ذات يوم و وجدته يحادث نساء متزوجات تلفونيا ويواعدهم! يخونني معهم ؟! يواعد اصحابه للقاء في مكان يشربون المنكر فيه ،
واجهته بالامر وليتني ماواجهته قال لي انا اعرف غيرك عشر! ومالك شغل فيني ولاتفتحين جوالي، حزنت كثيرا وبكيت اكثر.
لاحب ولارومنسيه ولا احترام ،بعد اربعه اشهر زواج اتى الى المنزل واتهمني انه وجد باب البيت و باب العماره مفتوحا
واني فتحته لشخص!
هنا جن جنوني واتصلت بأهلي وحضرو وحلف لهم كاذبا انه لم يقل لي هذا الكلام
وافترى علي بكلام اخر اني كثيره الطلبات واني مغروره واني لا اريد الا ملابس من امريكا وان مشاويري كثيره واني اكلم امي كثيرا
وكله كذب بكذب
اساسا امي علاقتي مهزوزه معها و طلباتي له تافهه وباسلوب ناعم ودائما اقول له حسب رغبتك
ذهبت مع اهلي وجلست عندهم خمسه اشهر
لا يسأل ولا يتصل ولا يهتم ، لكن خوفي من الطلاق ولان بيننا ذكريات حلوه في بدايه الزواج ،معه عرفت الاسواق ، عرفت الحدائق، كنا نخرج بين الفتره والاخرى ،تذكرت له اشياء جيده تغاضيت عن اتهاماته تلمست له الاعذار ،مره اهداني عطر ، ومره كتب لي كلام جميل بورقه ، مره اعطاني مبلغ وذهبت السوق، حنيت لحياتي السابقه معه افضل من حياتي عند اهلي والعوده الى روتينهم وبادرت بالصلح
تواصلت معه حتى نصل لنقاط التقاء ، اعترف اني اهنت نفسي وتسرعت، تفاهمنا وهو لايرغب بالطلاق ايضا ، كونه مطلق سابق وبنفسه يقول انتي عيوبك قليله ، كان تواصلي معه من ورى اهلي وهذا الشي زعلهم مني يقولون اتهمك بأنك فتحتي الباب وهذا الاتهام لايجرؤ عليه اي رجل ، ولا ترضي بسهوله بس انا خالفت امرهم ، وجا واعتذر من اهلي بشكل عام وسريع وذهبت معه.
بدأت مرحله ثانيه من حياتي معه اصبح عصبي جدا جدا يمد يده ، لا يحب ان نخرج سويا ، شكاك ، ينشر كل اسرار بيتنا لاهله ولاصحابه ، اي هفوه مني يذهب ليحضر امه تعالي شوفي ، مثلا نمله بالحمام يجيب جواله ويصورها اني ما انظف وما اهتم بالبيت. ذات يوم اتصلت فيه وانقطع الخط جا معصب وضربني كف وقال انتي سكرتي بوجهي بكيت وزعلت وجت امه وراضتني وهو اعترف انه غلط ورضيت بسرعه وهديت الموضوع ومشيت الامور، بعد اسبوعين تاخرت الدوره وحللت وطلعت حامل.. سجدت لله شكر الان تستقر حياتنا تفائلت كثير وهو فرح كثير، ورغبه منه قال لاتعلمي احد قلت ابشر
بعدها بيومين جا ولده يبكي قلت اشفيك قال بطني يمغصني قمت شلته بحنان وجبته الغرفه
صار يسأله بطنك يمغصك منها هي آذتك ؟؟
زعلت قلت مايصير هالكلام انا مو يهوديه هذا طفل واخو اولادي ما ارضى عليه
قال كم مره قلت لك لاتطولين لسانك
وضربني ضرب مبرح
على الرغم اني حامل وكسر جوالي حتى لا اتصل باهلي وقفل علي الباب لكن امه جات وفتحته وجلست ابكي منهاره اضطر انه يوصلني لبيت اهلي بدون ما اخذ ملابسي
دخلت عليهم وانا في حاله يرثى لها
حزنو عليه واوصلوني المستشفى وتنومت عشره ايام وتدخلت الشرطه وتم سجنه خمسه ايام واحيلت القضيه للمحكمه
انا الان حامل في شهري السادس
لايسأل ولا يهتم وانا كرهت المبادره
المحزن انه يلفق علي كلام كثير منها اني لا اطبخ له واني اعايره بقصر قامته واني لا احب امه واني اتواصل مع ارقام غريبه و وجد من يصدقه للاسف كله ظلم وافتراء حسبي الله ونعم الوكيل
مشكلتي الان :
اهلي لايرغبون في تربيه الطفل عند ولادته يتوعدون بتركه لابيه بالمستشفى! لانه مايستاهل اربي ولده!
كل حزن الارض لايصف حزني والمي متجاهلين امومتي ورغبتي في ضم طفلي لحضني
مشكلتي الثانيه :
احيانا اهلي يصدقون كلامه فيني واني لم اكن زوجه صالحه واني فعلا تواصلت مع ارقام غريبه
وهذا الشي يحزنني ويخوفني اكثر لو احلف على ستار الكعبه ماصدقوني
. القاضي حكم حكم لصالحي لكن زوجي عارض الحكم وغير القاضي
وتستغرق الجلسه الجديده اشهر عديده
انا الان بدون ملابسي واغراضي بدون مصروف
وسمعت انه خطب وسيتزوج قريبا
انا في كرب شديد ، اخاف يفتري علي اكثر عند القاضي الجديد ويصدقه
كيف اقنع اهلي بان الطفل قطعه مني لا استطيع الاستغناء عنه
كيف اقنعهم بانه يكذب ويتهمني بما ليس في
كيف اصبر نفسي لحين ينتهي الموضوع وهو مهملني ويشوه صورتي في كل مكان
كابوسي الاكبر لو صدقوه اهلي يقلبون حياتي جحيم. . هل ممكن اتواصل مع جهه او شخص يخوفه بالله ويذكره بحقوق الزوجه من نفقه وغيره بحيث انه ما يعرف انه من طرفي ؟؟ولا اهلي يعرفون انه من طرفي ؟
افكر اسوي هالحركه بس اخاف انكشف و لا اعرف احد يساعدني فيها